Tron Øgrim

Tron Øgrim
Ĵurnalisto, verkisto, komunisto, esperantisto
Persona informo
Naskiĝo	27-a de junio 1947 en Oslo, Norvegio
Morto	23-a de majo 2007 en Oslo, Norvegio
Mortokialo	apopleksio
Lingvoj	Esperanto
Ŝtataneco	Norvegio
Familio
Patro	Otto Øgrim
Edz(in)o	Jorun Guldbrandsen
Infano	Liv Gulbrandsen
Okupo
Okupo	ĵurnalisto • verkisto • politikisto • esperantisto • sciencfikcia verkisto
TTT
Retejo	https://steinen.net

Tron Øgrim
Persona informo
Naskiĝo	27-an de junio 1947 (1947-06-27) en Oslo,  Norvegio
Morto	23-an de majo 2007 (2007-05-23) (59-jaraĝa) en Oslo,  Norvegio
Mortis pro	naturaj kialoj vd
Mortis per	apopleksio vd
Lingvoj	Esperanto vd
Ŝtataneco	Norvegio vd
Partio	Ruĝa Balota Alianco vd
Familio
Patro	Otto Øgrim vd
Edz(in)o	Jorun Guldbrandsen vd
Infanoj	Liv Gulbrandsen vd
Profesio
Okupo	ĵurnalisto • verkisto • politikisto • esperantisto • sciencfikcia verkisto vd
Honorigoj Honorigoj Språklig Samlings Literature Prize vd
Membrecoj Membrecoj Norvega Esperantista Ligo vd
En TTT	Oficiala retejo vd
vd	Fonto: Vikidatumoj

Tron ØGRIM (IFA:[tɾun øgɾim]) (naskiĝinta la 27-an de junio 1947 – mortinta la 23-an de majo 2007) estis norvega ĵurnalisto, verkisto kaj polititikisto. Li aktivis en Socialista Junulara Unio (Norvegio) (norvege: Sosialistisk ungdomsforbund) (pli poste nomata Ruĝa Junularo) de 1965 ĝis 1973, kaj estis centra figuro en la Laborista Komunista Partio (norvege: Arbeidernes kommunistparti) de 1973 ĝis 1984. Krom esti politikisto, Øgrim verkis politikajn eseojn kaj plurajn sciencfikciajn romanojn. Li estas rimarkebla pro sia uzo de nenorma orienta osloa dialekto, eĉ kiam oni atendus ke li uzu norman Bokmål.

Politiko kaj ĵurnalismo

Naskita en Oslo, Norvegio, Øgrim estis unu el plej influaj homoj en norvega marksista-leninista movado en la jaroj 1960-aj kaj 70-aj. Li estis unu el la fondintoj de Laborista Komunista Partio, partio kiu forte defendis la ĉinan branĉon de komunismo. Tron ankaŭ estis centre en la fondo de la gazeto Klassekampen (norvege: Klassekampen)' (klasbatalo) kaj en la eldonejo Oktober.

Iĝinte ĵurnalisto estante forlasinta politikon en la 1980-aj jaroj, Øgrim redaktis teĥnologian rubrikon en la norvega versio de PC World (angle: PC World (magazine)). Li estis fama pro sia aparta stilo, el kiu li forpelis norman norvegan kaj verkis tute same kiel li parolis, en laborista dialekto. Li ankaŭ verkis sciencfikciajn romanojn sub kaŝnomo Eirik Austey.

Tron Øgrim estis frua subtenanto de interreto en Norvegio, ofte prelegvojaĝante en la lando. En 1995 li argumentis por ke la Norvega parlamento aperu interrete, proklamante ke "Sen ĉeretaj politikistoj, estas nenia demokrata regularo pri informteĥnologio". Øgrim ankaŭ estis subtenanto de la malfermfonta movado. En sia libro Kvikksølv, Tron priskribis Linukson kiel "aplikitan komunismon". Tron estis piliera kontribuanto de la interreta novaĵgrupo Leftist Trainspotters Arkivigite je 2008-05-24 per la retarkivo Wayback Machine kie li publikigis milojn da mesaĝoj, plej multaj rilataj al politika evoluo en Nepalo.

Esperanto-movado

Longdaŭra ano de Norvega Esperantista Ligo (Norsk Esperanto-Forbund), li tamen neniam akceptis iun ajn postenon en la asocio. En Esperantaj rondoj li estas precipe konata pro sia radio-felietono «La revo pri la perfekta lingvo» (Drømmen om den fullkomne språk) ekde 1989, kiu temis pri lingva filozofio, planlingvoj kiel Esperanto, Volapuko ktp. Li regule aperadis en Universalaj Kongresoj kaj estis larĝe konsiderata kiel afabla kaj erudicia, kun sana porcio da memironio.

Ĉe lia funebra ceremonio Leikny Øgrim rakontis ke li kreskis kun pli aĝa frato kiu estus leginta vortaron de komenco ĝisfine kaj kapablus el lego eĉ de telefonlibro lerni ion sciindan. Douglas Draper, sekretario de Norvega Esperantista Ligo faris paroladeton nome de NEL en jen ŝerca jen serioza tono. Li diris ke estas tri specoj de Esperantistoj. Estas aktivuloj implikitaj en organizaj taskoj. Estas anoj kiuj kontentiĝas per kotizpago. Kaj estas Tron Øgrim. Povis okazi ke dum longa tempo NEL ne aŭdis pri li; tiam li telefonvokis por demandi: "Skylder jeg noe gryn?" ("Ĉu mi ŝuldas avenon ?" -- t.e., membrokotizon.) Li povis aperi en la sidejo de NEL en Oslo kaj aĉeti tie ne unu aŭ du librojn sed plenan ŝarĝon da. Dum plej multaj Esperantistoj kutime planas sian viziton al Universala Kongreso pli ol ses monatojn anticipe, Tron kapablis voki tri tagojn antaŭ la komenciĝo de la evento kaj demandi kiel li povus helpi.

Kunlaboro en la norvega Vikipedio

Jimmy Wales kun Øgrim
Foto: Holly Hui

Tron Øgrim fariĝis kunlaboranto de Vikipedio en decembro 2005, kiam kalumniaj vortoj aperis pri kolego en artikolo en la novega Vikipedio. Øgrim plu kontribuis post la solvo de la diskuto, verkante pri planlingvoj precipe en 2006. Fine de 2006 lia fokuso ŝanĝiĝis al Nepalo ĝenerale kaj aparte al komunismo en Nepalo. Øgrim famiĝis en la norvega vikipedia komunumo pro sia verkado de longaj artikoloj pri iel obskuraj temoj. Li ankaŭ tre zorgis pri etaj projektoj kaj ties progreso. Li regule mesaĝis pri mejloŝtonoj en la diskutejo de la norvega vikipedio same kiel li partoprenis en la informpaĝo de Vikimediaj Novaĵoj.

Norvega informatika prelegisto Gisle Hannemyr (norvege: Gisle Hannemyr) memoris pri Øgrim kiel unu el la plej aktivaj norvegaj Vikipediistoj kiu elektis Vikipedion kiel tribunon por diskonigi sciaĵojn. Apud siaj artikoloj pri Nepalo, li verkis artikolojn pri planligvoj kiaj Esperanto kaj pri multaj aliaj temoj. Hannemyr diris : "Mi ankaŭ kredas ke li estis la unua norvega blogisto" kun sia paĝaro Under en stein i skogen ('sub ŝtono en arbaro')". La arkivoj de lia paĝaro entenas 107 artikolojn de li redaktitajn en la orientosloa idiolekto. "Li estis entute homo komprenanta teĥnologion kaj kiel teĥnologio ŝanĝas la socion" aldonis Hannemyr.

Tron Øgrim esti gravega por la norvega vikipedia movado kaj ofte estis intervjuata de ĵurnalistoj pri Vikipedio. Li prelegis pri vikipedio kiam ties fondinto Jimmy Wales vizitis Norvegion en majo 2006. Kiam ĵurnalistoj interpelaciis lin pri la foje erara informo kiun prezentas la enciklopedio, Øgrim respondis ke tio en si mem ne estas problemo – male ĝi povas esti vidata kiel avantaĝo : "Vikipedio postulas de ĉiu kontroli proprajn informojn kaj akcepti nenion laŭ ŝajna valoro. Se vi demandas min, estas demokrata problemo ke tiom malmulte da konscio pri kritikemo al fontoj ekzistas hodiaŭ en la norvega eduksistemo."

La norvega vikipedia komunumo, omaĝe al la verko de Øgrim decidis funebri al Tron elmontrante flagon duonmaste antaŭ vikipedia logobildo dum unu tago. Tio estis raportita en pluraj norvegaj taggazetoj.

Forpaso

Øgrim-on mortintan trovis unu el liaj tri filinoj la 23-an de majo 2007 en Oslo. Li veŝajne mortis pro apopleksio.

Personaj sciigoj

• kaŝnomo : Eirik Austey
• filo de Otto Øgrim (norvege: Otto Øgrim) kaj Marit Odlaug Eggen
• edzo de Jorunn Gulbrandsen (geedzeco de 1969 ĝis 1998)
• patro de tri filinoj inter kiuj ĵurnalistino kaj anino de Ruĝuloj (norvege: Rødt) : Liv Gulbrandsen (norvege: Liv Gulbrandsen)
• parencoj : la du repistoj de Gatas Parlament (norvege: Gatas Parlament) estas liaj nevoj

Bibliografio

• Marxismen – vitenskap eller åpenbaringsreligion? (1979)
• Den vestlige maoismens sammenbrudd og krisa i AKP (m-l) (1982)
• Tyskeren mot Stretermish (1985), kiel Eirik Austey
• Grisen før jul. Harde tider på vei i det rike Vest-Europa (1985)
• På sporet etter det ukjente dyret (1990), kiel Eirik Austey
• Fallet (1990), kiel Eirik Austey
• Blått glass (1991), kiel Eirik Austey
• Akersgata og det blodige barnet (1993)
• Hilsen til en generasjon av kvikksølv! Løgnaktige spådommer om datarevolusjonen, verden, Norge og deg (1997)
• Tron Øgrim treffer 10 sportsgærninger (1998)
• Hilsen til en generasjon av kvikksølv: åssen IT forandrer verden og livet (2000)

Eksteraj ligiloj

Trovu « Tron Øgrim » inter la Vizaĝoj de homoj rilataj al la ideo «Internacia Lingvo»

• Artikoloj de Tron Øgrim norvege