Tulum (komunumo)

El Vikipedio, la libera enciklopedio
Saltu al: navigado, serĉo
Tulum

Tulum en Quintana Roo.svg

Blazono

Administrado
Statuso Komunumo
Lando Meksiko
Ŝtato Quintana Roo
Fondita en majo 2008
Urbestro Marciano Dzul Caamal

(2008-11)

Kodo laŭ INEGI 23009
Demografio
Loĝantaro 30788
Geografio
Koordinatoj
20°10′N 87°40′U  /  20.167°N, 87.667°U / 20.167; -87.667 (Tulum (komunumo))
Alto 16
Areo 2040,94 km²
Horzono UTC -6
Situo de Tulum (komunumo) en Quintana Roo (Meksiko)
DMS
Situo de Tulum (komunumo) en Quintana Roo
Situo de Tulum (komunumo) en Quintana Roo
v  d  r
Information icon.svg

Tulum estas unu el la 9 komunumoj de la meksika subŝtato Quintana Roo, kiu situas sur la duoninsulo Jukatano en la centro-orienta parto de Meksiko (ofte oni diras ke temas pri la suda parto de Meksiko, sed laŭ la latidudo, la komunumo situas je preskaŭ sama nivelo kiel la ĉefurbo de Meksiko)

La ĉefurbo de la komunumo estas Tulum. La kodnumero de la komunumo laŭ la INEGI, do laŭ la nacia geografia instituto estas 23009.

Geografio[redakti | redakti fonton]

La komunumo havis en 2005 (lasta popolnombrado de la INEGI) ĉirkaŭ 30788 loĝantojn. La komunumo havas surfacon de 2040,94 km². La meza alteco estas ĉirkaŭ 16 metroj super la marnivelo.

Tulum situas en la centro-norda parto de la teritorio de Quintana Roo. Norde ĝi limas al la komunumo Solidaridad kaj sude kun la komunumo Felipe Carrillo Puerto. En la oriento ĝi limas al la meksika subŝtato Jukatanio, pli specife al la komunumo Valladolid.

Sur la teritorio de Tulum troviĝas gravaj arkeologiaĵoj, kiel la antikvaj majaaj urboj Tulum kaj Cobá.

Sociogeografio[redakti | redakti fonton]

Ĉar la fondo de la komunumo nur estis en majo 2008 ankoraŭ ne ekzistas kalkulo pri la kvanto de personoj, kiuj en la komunumo parolas indiĝenan lingvon. Dum la lastaj jaroj la loĝantaro forte kreskas. La kreskon kaŭzas ne nur personoj el la regiono, sed el tuta Meksiko (kaj ankaŭ el eksterlando). La kvanto de personoj kiuj parolas indiĝenan lingvon tamen supozeble estas relative alta kompare al aliaj partoj de Meksiko. La plej multaj el ili parolas la jukatanan majaan lingvon (memnomigo: Màaya t'àan (Mayathan).