UK 1935

UK 1935
Loko	Romo,  Italio
Ekde	3-a de aŭgusto 1935
Ĝis	10-a de aŭgusto 1935
← Antaŭa	Sekva →

Solena Malfermo

Julia C. Isbrücker kaj Odo Bujwid dum kongresa ekskurso al Pompejo

La 27-a Universala Kongreso de Esperanto, kiu en aŭgusto 1935 kunvenigis 1442 partoprenantojn en Italio, estis unika laŭ organiza aspekto. Ĝi estis kongreso migranta; ne okazis en nur unu urbo, sed minimume en tri: Florenco (Firenze), Romo, Napolo. Tial oni ŝerce parolis pri "UK en Firona". Post semajno plena de ekskursoj eblis almeti plian semajnon, en kiu oni plu krozis per ŝipo ĝis Tripolo (Libio). Poste oni reveturis ĝis Ĝenovo.

Tiu UK estis do tute aparta pro sia daŭro, sia migrema karaktero. Laŭ la raportoj de Teodor Jung tiam ĉefredaktoro de Heroldo de Esperanto, ĝi estis ankaŭ aparte malbone organizita: Plej multis francaj krokodiloj kaj la servoj suferis pro manko de homfortoj.

Unika ĝi estis ankaŭ pro la konsiderinda subteno fare de la itala ŝtato, tiam regata de la faŝisto Mussolini. Je aliaj okazoj, kaj precipe post la kongreso, la ŝtato malfaciligis la laboron de la esperantistoj.

Teatraĵo prezentita

• Amatora Trupo el Milano: Kurioza Okazaĵo de Carlo Goldoni, reĝisoris Julio Baghy, prezentita en Teatro Barberini en Romo.

Prelego en Somera Universitato

• Gaston Waringhien: Dekdu Poetoj: la lingvistika valoro de la poezio

Eksteraj ligiloj

• Foto kaj teksto de la inaŭgura parolado Arkivigite je 2006-03-03 per la retarkivo Wayback Machine
• Poemo "La plezura marveturo" de Karl Vanselow. en Nia Lingvo Esperanto. Elektita poezio por deklamo kaj por kanto: 2. (Berlin: Berliner Esperanto-Verl., 1952),