UK 1981
El Vikipedio
66-a UK 1981, Braziljo, Brazilo, 1749 partoprenantoj.
Tiu ĉi kongreso estis la unua en la suda globoduono, en evoluanta lando kaj la ĝis tiam plej granda ekster Eŭropo. La partoprenantoj venis el 49 landoj. Aliĝis 932 brazilaj kaj 113 argentinaj esperantistoj, 43 kongresamoj venis el aliaj sudamerikaj landoj. La 504 aliĝintaj eŭropanoj do estis malplimulto.
La gastiganta lando subtenis la kongreson per senpaga ejo, centoj da senpagaj litoj kaj senkosta produktado de kongresaj materialoj.
Je la komenco de la kongreso tri paraŝutistoj alteriĝis antaŭ la konstruaĵo de la Federacia Parlamento kaj transdonis Esperanto-flagon al Gregoire Maertens, la tiama prezidanto de UEA. La sekvantan Solenan Inaŭguron en la ĉambro de la delegitoj prezidis la vic-prezidanto de Brazilo.
