UK 2007
El Vikipedio
La 92-a Universala Kongreso de Esperanto (japane: 第92回世界エスペラント大会 [dai kjū-ĵū-nikaj sekaj esperanto-tajkaj]) okazis en 2007 en la japana urbo Jokohamo en la Kanagaŭa-prefektujo, proksime al Tokio, inter la 4-a kaj la 11-a de aŭgusto.
La kongresejo estis la kongresa palaco Pacifico Yokohama en la distrikto Minato Mirai 21 de la jokohama kvartalo Niŝi.
Enhavo |
[redaktu] Internacia Kongresa Universitato
Okazis 8 prelegoj. Interalie parolis prof. Amri Wandel pri la temo "Orienta astronomio: gastosteloj en la galaksia fervojo".
[redaktu] Pliaj prelegoj, prezentoj
...okazis interalie pri hajko kaj sorobano. En speciala aranĝo oni memoris pri William Auld, kiu mortis en la pasinta jaro.
[redaktu] Teatro
"Galileo"
[redaktu] Organizaj aferoj de UEA
La kongreso elektis novan estraron. Prezidanto de UEA iĝis Probal Dasgupta
[redaktu] Solena fermo
Apartan atenton vekis la urbestro de Bjalistoko, Tadeusz Truskolaski. Parolante en Esperanto, li invitis al la Universala Kongreso 2009 al Bjalistoko.
REZOLUCIO DE LA 92-A UNIVERSALA KONGRESO DE ESPERANTO
La 92-a Universala Kongreso de Esperanto, kunveninta en Jokohamo (Japanio) de la 4-a ĝis la 11-a de aŭgusto 2007 kun 1901 partoprenantoj el 57 landoj, kun la temo "Okcidento en Oriento: akcepto kaj rezisto",
Konstatinte, ke ideoj kaj influoj moviĝas ambaŭdirekte inter "Okcidento" kaj "Oriento", sed ke pro la aktualaj neegalecoj tiu reciprokeco iĝis nevidebla,
Konstatinte, ke tiu sama kaŭzo malhelpas ankaŭ la fluon de ideoj kaj influoj inter aziaj landoj,
Notinte, ke tro rigidaj konceptoj pri "Okcidento" kaj "Oriento" malhelpas interlokajn dialogojn, kaj
Notinte kun kontento, ke la jaro 2008 estas proklamita fare de la Ĝenerala Asembleo de Unuiĝintaj Nacioj kiel Internacia Jaro de Lingvoj,
Rekomendas, ke la rilatoj inter civilizoj kaj kulturoj baziĝu ne sur konflikto sed sur interkompreniĝo, justeco kaj paco,
Konfirmas la potencialon de Esperanto por interponti homojn de diversaj lingvoj kaj kulturoj,
Atentigas samtempe pri la akuta neceso konsciiĝi pri interkulturaj problemoj en kaj ekster la Esperanto-komunumo, kaj rilati kun instancoj kaj asocioj kiuj jam okupiĝas pri tiaj problemoj,
Deklaras, ke la ekesto de regiona kunlaboro ankaŭ en Azio kaj aliaj mondopartoj estas esenca antaŭkondiĉo por la plua disvolviĝo de Esperantaj agadoj tie,
Esprimas la senkondiĉan subtenon de la Esperanto-komunumo al vera plurlingvismo kiel rimedo por akceli unuecon en diverseco, kaj kuraĝigas esperantistojn energie labori por la plenumo de la celoj de Unuiĝintaj Nacioj por la Internacia Jaro de Lingvoj.
[redaktu] Eksteraj ligiloj
- Unua bulteno
- LKK por la 92-a UK en 2007 en Jokohamo, Japanio
- Transsiberien en 2007 al IJK kaj UK - komuna trajna vojaĝo al IJK kaj UK en 2007 per la Transsiberia fervojo
- Kongresanino priskribas siajn impresojn
 |
Universalaj Kongresoj | |
|---|---|---|
| 1905-1915 • 1920-1939 • 1940-1980 • 1981-2010 | ||
| Prago 1996 • Adelaide 1997 • Montpellier 1998 • Berlino 1999 • Tel-Avivo 2000 | ||
| Zagrebo 2001 • Fortalezo 2002 • Gotenburgo 2003 • Pekino 2004 • Vilno 2005 | ||
| Florenco 2006 • Jokohamo 2007 • Roterdamo 2008 • Bjalistoko 2009 • ....... 2010 | ||
