Universitato de Hull

El Vikipedio, la libera enciklopedio
Saltu al: navigado, serĉo
La konstruaĵo Venn, en la universitato de Hull.

La universitato de Hull (anglalingve University of Hull) estas angla universitato lokita en Hull (aŭ Kingston upon Hull), urbo en East Riding of Yorkshire.

La unua ŝtono de la universitato de Hull estis instalita en 1927 de la duko de York (kiu pliposte fariĝis Georgo la 6-a. Unu jaron poste, la unuaj 14 departementoj, kaj sciencaj kaj artaj, malfermis kaj gastigis 39 studentojn. La universitato konsistis nur el unu konstruaĵo, la konstruaĵo Venn (nomita laŭ la matematikisto John Venn, kiu naskiĝis en Hull). Ĝi estis konstruita sur tereno donacita de la loka municipo kaj de la lokulo Thomas Ferens.

La universitato iam estis la laborloko de la poeto Philip Larkin. Ĝi cetere estis la laborloko de la nuna poetlaŭreato Andrew Motion kaj de la filmreĝisoro Anthony Minghella.