Urbanice (distrikto Pardubice)

El Vikipedio, la libera enciklopedio
Saltu al: navigado, serĉo
Disambig.svg La titolo havas ankaŭ aliajn signifojn, por vidi ilin bonvolu rigardi la apartigan paĝon: Urbanice


Urbanice
municipo
Oficiala nomo: Urbanice
Ŝtato Flago de Ĉeĥio  Ĉeĥio
Regiono Regiono Pardubice
Distrikto Distrikto Pardubice
Administra municipo Přelouč
Historia regiono Bohemio
Situo Urbanice
 - alteco 295 m s. m.
 - koordinatoj 49°58′22″N 15°34′00″E  /  49.97278°N, 15.566667°O / 49.97278; 15.566667 (Urbanice (distrikto Pardubice))
Areo 3,53 km² (353 ha)
Loĝantaro 71 (01.01.2012)
Denseco 20,11 loĝ./km²
Unua skribmencio 1383
Horzono MET (UTC+1)
 - somera tempo MET (UTC+2)
Poŝtkodo 535 01
NUTS 3 CZ053
NUTS 4 CZ0532
NUTS 5 CZ0532 575917
Katastraj teritorioj 1
Partoj de vilaĝo 1
Bazaj sidejunuoj 1
Situo enkadre de Ĉeĥio
ButtonRed.svg
Situo enkadre de Ĉeĥio
Commons-logo.svg Vikimedia Komunejo: Urbanice (Pardubice District)
Retpaĝo: www.urbanice-pce.wcw.cz
Portal.svg Portalo pri Ĉeĥio

Municipo Urbanice situas en Ĉeĥio, regiono Pardubice, distrikto Pardubice, sur norda rando de montareto Železné hory 8 km sude de urbo Přelouč, ĉe ŝoseo inter Přelouč kaj Turkovice.

Historio[redakti | redakti fonton]

Nomo de la vilaĝo Urbanice devenas el persona nomo Urban, eble de origina posedanto. Fine de la 14-a jarcento havis la vilaĝo tri bienojn, ĉe kiuj estis pli malfrue konstruita fortikaĵeto sur loko de nuna n-ro 1. Oni kultivis ĉefe papavon, beton, kanabon, legomojn, en pli varmaj regionoj ankaŭ lupolon kaj vinberujon. En fruktoĝardenoj kreskis ĉefe pirujoj kaj pomujoj de multaj specoj, ĉerizujoj, juglandoj kaj prunujoj. Jam tiam estis uzata greftado. El cerealoj oni plej multe kultivis sekalon kaj avenon, tritikon kaj hordeon multe malpli.

Terkulturistoj tiam rikoltis proksimume nur kvaroble pli ol ili prisemadis. Tio signifas, ke minimume kvaronon el la rikolto ili devis konservi por venontjara semado. Trionon de la rikolto terkulturistoj devis doni al sia feŭdulo kiel doton por prunteprenitaj kampoj.

El tio sekvis, ke servutulo povis esti ĉiam ajn el la tero elpelita. Ĝuste en la 14-a jarcento oni komencis praktiki tiel nomatan elaĉetrajton. La servutulo povis pagi ian sumon kaj akiri heredan rajton al pruntado de la kampoj, kompreneble kontraŭ pruntopagoj. La dotoj al superularo estis ankaŭ laboraj. Sed servuta laboro en la 14-a jarcento ne superis 18 tagojn jare.

El komenco de historio de Urbanice estas nur koncizaj notoj. En la jaro 1411 transdonis ĉeĥa reĝo Venceslao la 4-a Urbanice al siaj kuirmajstroj Petr kaj Jesin. Tion kontraŭis Mikuláš el Urbanice.

En la jaro 1467 donis reĝo Georgo el Poděbrady vilaĝon Urbanice al Slavata el Chlum. Sed tio ne estis por Urbanice feliĉa ago, ĉar Slavata en Urbanice ne loĝis kaj de tiam la fortikaĵeto malprosperis.

En la jaro 1541 transiris posedo de Urbanice al Jiří Gerstorf el Gerstorf, en la jaro 1568 al senjorejo Svojšice kaj kun ĝi al senjorejo Choltice.

Pejzaĝo ĉirkaŭ Urbanice ŝanĝiĝis en 1950-aj jaroj. Pro intenzigo kaj kolektivigo de agrikultura produktado estis la grundoj drenitaj, malaperis herbejoj, fruktoĝardenoj, digetoj, akvofontoj, rearanĝitaj estis kampvojoj. En la vilaĝo estis en 1970-aj jaroj konstruita asfaltita strato, kanalizo por pluvakvo, akvokondukilo kaj gasokondukilo.

Literaturo[redakti | redakti fonton]

  • Marek Podhorský: Pardubický kraj. Eldonis freytag & berndt, eldonejo en Prago en 2004.

Eksteraj ligiloj[redakti | redakti fonton]