Ursy

El Vikipedio, la libera enciklopedio
Saltu al: navigado, serĉo
Ursy
Blazono de Ursy
Blazono de Ursy
Ursy
Ursy
Kantono Friburgo
Distrikto Glano
Koordinatoj  46°38′5″N 6°50′3″O  /  46.63472°N, 6.83417°O / 46.63472; 6.83417 (Ursy)Koordinatoj: 46°38′5″N 6°50′3″O  /  46.63472°N, 6.83417°O / 46.63472; 6.83417 (Ursy)
Nombro de enloĝantoj 1889
Areo 14,96 km²
Alteco 704 m super marnivelo
Poŝtkodo 1670 Ursy
1675 Vauderens
1674 Vuarmarens
Komunumkodo 2102
Mapo de Ursy
Mapo de Ursy

Ursy estas komunumo en la distrikto Glano en Kantono Friburgo, Svislando. Ĝi havis 1889 loĝantojn je la 31-a de decembro 2010.

Geografio[redakti | redakti fonton]

La komunumo Ursy situas en la Friburga Mezlando sur altebenaĵo inter la valoj de la riveroj Brojo en okcidento kaj Glano en oriento. Ursi situas proksimume 9 kilometrojn sudokcidente de la urbo Romont kaj 5 kilometrojn sudoriente de Moudon. La komunumo Ursy konsistas el la vilaĝoj Bionnens, Esmonts, Morlens, Mossel, Ursy, Vauderens kaj Vuarmarens, kaj la vilaĝetoj Invau, Fin de Vau kaj Pré du Château.[1]

La teritorio de la komunumo etendiĝas sur areo de 14,96 km², de kiuj 26,0% estas kovritaj de arbaro, 66,3% servas por agrikulturo kaj 8,2% por setlado. [2]

Najbaraj komunumoj[redakti | redakti fonton]

La komunumo Ursy limas en nordo al Brenles (VD), en oriento al Siviriez, en sudo al Le Flon, en sudokcidento al Rue, en nordokcidento al Montet, kaj en nordnordokcidento al Chavannes-sur-Moudon (VD).

Trafiko[redakti | redakti fonton]

Tra Ursy pasas la kantona ĉefvojo n-ro 151.1 de Romont al Montet. La plej proksima alveturejo al la svisa aŭtovojo A12 situas proksimume 10 kilometrojn sude de la komunumo apud Châtel-Saint-Denis. En Vauderens troviĝas stacidomo ĉe la trajnlinio de Svisaj Federaciaj Fervojoj de Friburgo al Laŭzano.

Historio[redakti | redakti fonton]

La unua dokumenta mencio de Ursy datiĝas el la jaro 1160 kiel Ursei. Dum mezepoko Ursy apartenis al la Senjorujo Rue, kiu post la konkero fare de la urba ŝtato Friburgo fariĝis friburga voktejo kaj post la Helveta Revolucio de 1798 distrikto. En la jaro 1848 Ursy surbaze de la nova kantona konstitucio de Friburgo estis integrita al la Distrikto Glano. Kun efiko de la 1-a de januaro 2001 la ĝis tiam sendependaj komnumoj Bionnens, Mossel kaj Vauderens estis kunigitaj kun la komunumo Ursy, kaj la 1-an de januaro 2012 ankaŭ Esmonts, Morlens kaj Vuarmarens estis integritaj al la komunumo.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 24-an de decembro 2012
  3. Fonto: Marianne Rolle: Ursy en Historia Leksikono de Svislando (2012-08-06)

Eksteraj Ligiloj[redakti | redakti fonton]