Valhalo (monumento)

El Vikipedio, la libera enciklopedio
Saltu al: navigado, serĉo
Walhalla aussen.jpg
Walhalla innen2.jpg

La monumento Valhalo prenas sian nomon de la ĝermana mitologio kaj ĝi estas impona novklasika templo kies celo estas servado kiel monumento kaj famhalo por la "elstaraj kaj premiitaj germanoj" (reale, ĝi estas por ĝermanoj ĉar tie estas monumentoj al aŭstroj, bohemoj, ktp.) konstruita ĉe la riverbordo de Danubo je 6 km sude de Ratisbono (Regensburg) en Bavario, Germanio.

La projekto estis elpensita de la princo Ludoviko la 1-a de Bavario (la patro de Ludoviko la 2-a) kaj estis konstruata inter 1830 kaj 1842 sub la dizajno de Leo von Klenze, kiu ankaŭ respondecis pri Befreiungshalle, ankaŭ proksime de Ratisbono ĉe la danuba riverbordo.

La monumento prenas sian nomon de la Valhalo, loĝloko de la ĝermanaj gedioj (kaj nordia). Ĝi ekvivalentas al la greka Monto Olimpo.

Ĝi estas ĝusta kopio de Partenono de Ateno, . En ĝia interno ĝi gastigas bustojn de 130 famaj ĝermanoj, kovrante 2000 jarojn da historio. La plej antikva el ĉiuj estas Arminius, venkinto de la Batalo en la arbaro de Teŭtoburgo en la jaro 9 p.K.

Eksteraj ligiloj[redakti | redakti fonton]