Veľké Leváre

Veľké Leváre, hungare Nagylévárd [nadjlEvArd] germane Gross-Schützen estas vilaĝo en Slovakio, en Regiono Bratislavo, en Distrikto Malacky. Gross, veľké kaj nagy signifas: granda.

Veľké Leváre en la mapo de Slovakio troviĝas en la plej griza parto

Enhavo

Veľké Leváre situas sur ebenaĵo, laŭ ĉefvojo, aŭtoŝoseo kaj fervojo Bratislavo-Ĉeĥio. Malacky troviĝas je 8 km-oj.

La origina vilaĝo detruiĝis fare de tataroj en 1241. Poste germanoj, ĉeĥoj kaj slovakoj refondis la komunumon, kiu menciiĝis en 1378 laŭ tiama hungara ortografio "Noglew". En 1547 rifuĝintaj germanoj, iom poste rifuĝintaj kroatoj kaj serboj alvenis. En la 17-a jarcento la vilaĝo ricevis la rangon kampurbo. En 1709 kaj en 1866 incendioj, en 1836 ĥoleroj okazis. En 1910 laŭ la popolnombrado vivis en Nagylévárd 2871 homoj, (2340 slovakoj, 284 germanoj, 191 hungaroj). Ĝis Traktato de Trianon la komunumo apartenis al Hungara reĝlando, al Pozsony, al distrikto de Malacka, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 2001 vivis en Veľké Leváre 3430 homoj, (3336 slovakoj).