Vernon Walters
Vernon WALTERS aŭ Vernon Anthony Walters (naskiĝis la 3-an de januaro 1917 en Novjorko; mortis la 10-an de februaro 2002 en West Palm Beach, Florido) estis usona soldato, sekretservisto kaj diplomato. Li servis dum pli ol kvin jardekoj ok malsamajn prezidentojn de Usono kiel kontraŭkomunisma batalanto en la malvarma milito. Unue li mem agis, poste li planis malfermajn aŭ kaŝitajn agadojn kaj traktadojn en la tuta mondo.
Nur dum la lasta triono de sia kariero, Walters iĝis konata publike, ĉefe kiam inter 1972 kaj 1976 li laboris kiel vicdirektoro de la CIA, inter 1985 kaj 1989 kiel ambasadoro de Usono ĉe Unuiĝintaj Nacioj kaj inter 1989 kaj 1991 kiel ambasadoro en Germanio dum la germana reunuiĝo.
Bibliografio
- Klaus Eichner, Ernst Langrock: Der Drahtzieher. Vernon Walters – ein Geheimdienstgeneral des Kalten Krieges. Homilius, Berlin 2005, ISBN 3-89706-877-X (einseitige Biografie aus der Feder eines Ex-Stasi-Offiziers)
- Vernon Walters: In vertraulicher Mission (Silent Mission). Bechtle, Esslingen 1990 (am. Original 1978), ISBN 3-7628-0490-7 (Autobiografie bis 1976)
- Vernon Walters: Die Vereinigung war voraussehbar. Siedler, Berlin 1994, ISBN 3-88680-529-8 (über die Zeit als Botschafter in Deutschland)