Victor Klemperer

El Vikipedio, la libera enciklopedio
Saltu al: navigado, serĉo
Victor Klemperer
Bundesarchiv Bild 183-16552-0002, Victor Klemperer.jpg
Naskiĝis la 9-an de oktobro 1881 (nun 1881-10-09) (78-jara)
en Gorzów Wielkopolski
Mortis 11-an de februaro 1960
en Dresden
Profesio verkisto
Nacieco germano
Notindaj verko(j) Compte-rendu sur le livre LTI - La langue du Troisième Reich
Edzo(j) Eva Klemperer
v  d  r
Information icon.svg

Victor KLEMPERER (naskiĝis la 9-an de oktobro 1881 en Gorzów Wielkopolski, mortis la 11-an de februaro 1960 en Dresden) estis verkisto kaj filologo germana.

Klemperer, kuzo de la orkestrestro kaj komponisto Otto Klemperer, estis oka infano de rabeno. Li studis filozofion kaj filologion pri lingvoj romanaj kaj ĝermanaj en Munkeno, Ĝenevo, Parizo kaj Berlino. En 1912, li konvertiĝis al protestantismo. Li sukcesis doktoriĝi en 1912, kaj ricevis la kapablecon instrui en 1914. Dum la jaroj 1914 kaj 1915, Victor Klemperer laboris ĉe la universitato de Napolo kaj rekrutiĝis poste kiel soldato, en la artilerio, kaj poste en la cenzuro milita. En 1920, li iĝis profesoro pri filologio romana ĉe la teknika universitato de Dresden.

Dum la nazia epoko, Victor Klemperer ne rajtis labori intelekte pro sia juda deveno. Dum tiu periodo li ekverkis personan taglibron kie li notas ĉiutage la manipulojn de la nazioj pri la germana lingvo. Tiun lingvon de la tria imperio, Klemperer nomas Lingua Tertii Imperii (lingvo de la tria imperio, kies nomon li mallongigis al LTI pro sekuraj kialoj. Li ankaŭ laboras pri sia historio de la literatura franca dum la 18-a jarcento, verko de sia vivo, ekverkita jam longe antaŭ la nazia periodo kaj kiu estis publikigita nur en la jaroj 1954 kaj 1960.

Klemperer loĝis en Dresden dum la nazia epoko. Post vendo de la domo kiun ili konstruigis komence de la 1930-aj jaroj, Victor Klemperer kaj lia edzino, Eva, devis loĝi en Judenhaus (judodomo). Pro la "arjaneco" de Eva, ŝia edzo eskapas forsendon en koncentrejon ĝis la 13-a de februaro 1945. Fakte estis nur tiam, kiam la aliancanoj jam liberigis la koncentrejon Aŭŝvico, ke la naziaj aŭtoritatoj decidis forsendon de "miksitaj paroj". Victor kaj Eva Klemperer transvivis nur pro la aera atako de la nokto de la 13-a ĝis la 14-a de februaro 1945. Ili tiam decidis profiti de la kaoso por fuĝi, fuĝo kiu daŭros dum la lastaj militmonatoj.

Eksteraj ligiloj[redakti | redakti fonton]