Vilhelm Moberg
El Vikipedio
Vilhelm MOBERG (n. en 1898 - m. en 1973) estis sveda verkisto kaj ĵurnalisto. Li fariĝis la plej juna ĉefredaktoro de Svedio en 1921.
Precipe famiĝis lia kvarvoluma, epopea romano titolita La Elmigruloj, kiun li verkis inter 1949 kaj 1959. La verkisto redaktis sian romanon surbaze de historiaj fontoj, koncerne la svedojn, kiuj elmigris al Minesoto fine de la 19-a jarcento (vidu Sveda elmigrado al Usono). Temas pri la humana aventuro de pluraj kamparanoj el la sveda regiono Småland : unu el la ĉefpersonoj, Kristina, estis eble inspirita de la avino de la verkisto.
En 1998, cent jarojn post la naskiĝo de Moberg, la svedoj proklamis La Elmigruloj kiel la plej bona sveda romano de la tuta 20-a jarcento.
