Vilhelm Thomsen

El Vikipedio, la libera enciklopedio
Saltu al: navigado, serĉo
Vilhelm Thomsen

Vilhelm Ludwig Peter THOMSEN (naskiĝis la 25-an de januaro 1842, mortis la 12-an de majo 1927) estis dana lingvisto kaj epigrafisto. Thomsen estas konata interalie pro sia laboro deĉifri la turklingvajn orĥonajn steleojn el la 8-a jarcento. Ĉi tiu laboro estis farita konkure kun la rusa lingvisto Vasilij Radlov (Wilhelm Radloff), la fondinto de la turkologio. Thomsen diskoniĝis ankaŭ pro siaj studoj pri la origino de la rusaj kaj finnaj lingvoj.

Vilhelm Thomsen faris paroladon, tre favoran al Esperanto, okaze de la naskiĝtago de la reĝo en 1902. Ĝi estis eldonita en 1905 sub la titolo Videnskabens Fællessprog (komuna lingvo de la scienco) kaj reeldonita en 1920 kiel parto de lia plena verkaro.

Li iĝis honora membro de Hungara Scienca Akademio en 1892.