Vistulo

El Vikipedio, la libera enciklopedio
Saltu al: navigado, serĉo
ponto ĉe Plock sur Vistulo

Vistulo estas la plej granda rivero de Pollando. Ĝi longas 1047 km. Ĝi estas la plej granda rivero fluanta en Baltan Maron. Ĝi fontas en la suda parto de la lando, en la Beskidoj.

La akvofonto situas en la suda Pollando, je la alteco de 1107 metroj super la marnivelo.

Ĝi komence fluas orienten, poste daŭre norden kun grandaj kurboj. Ĝi trafluas la tutan landon kaj oriente de Gdańsk alfluas Baltan maron per larĝa riverdelto. Ĝi longas 1047 km, la akvokolekta areo estas ĉ. 194.000 km², kies 4/5-ono troveblas en Pollando.