Vladimir Ĵirinovskij

El Vikipedio, la libera enciklopedio
Saltu al: navigado, serĉo
V. V. Ĵirinovskij

Vladimir Ĵirinovskij (plena nomo Vladimir Volfoviĉ Ĵirinovskij; ruse Владимир Вольфович Жириновский, scienca latinliterigo Vladimir Vol'fovič Žirinovskij; naskiĝinta la 25-an de aprilo 1946 en Almato, Kazaĥio, sub la nomo Vladimir Volfoviĉ Eidelstein [prononco laŭ la jida lingvo Ejdelŝtejn]) estas dekstra ekstremisma rusia politikisto, juristo, amatora aktoro kaj kantisto. Ĵirinovskij partoprenis kvin prezidentajn elektojn en Rusio (1991, 1996, 2000, 2008, 2012), kiel neniu alia politikisto. Nun li estas vicprezidanto de la Ŝtata Dumao.

Ĵirinovskij estas la iniciatinto kaj gvidanto de la Liberal-Demokratia Partio de Rusio (LDPR), kiu tamen ne tre rilatas al liberalismodemokratio, sed estas dekstra ekstremisma rusie naciisma kaj forte kontraŭjudisma partio. Lia gvida stilo estas ekstreme popolisma: Tial li ne havas problemojn foje uzi maldesktre ekstremajn kaj tuj post tio ekstreme dekstre ekstremajn sloganojn. Pro lia provoka sinteno kaj la nekutimaj sloganoj li estas objekto de konstanta publika intereso.

Ĵirinovskij naskiĝis en Almato kaj ĝis la jaro 1964 portis la nomon de sia juda patro Eidelstein (Эйдельштейн). Inter la jaroj 1964 ĝis 1970 li studis en la moskva Lomonosov-Universitato turkologion (tial li flue parolas la turkan lingvon); krome li inter la jaroj 1965 ĝis 1967 ankaŭ studis pri "internaciaj rilatoj" en la universitato de Marksismo-Leninismo. Inter la jaroj 1972 ĝis 1977 li distance studis juron kaj poste laboris kiel juristo interalie en eldonejo "Mir" (Paco) ĝis 1990.

Dum la jaro 1990 li fondis la partion LDPR (komence "LDPSU" - Liberal-Demokratia Partio de Soveta Unio), kiun li nomis la "unua opozicia partio en Rusio[mankas fonto]". Dum la sama jaro li kandidatiĝis en la prezidentaj balotoj de Sovetunio kaj gajnis 8 procentojn de la voĉdonoj. Ekde tiam lia partio konstante reprezentiĝis en la rusia parlamento Dumao. Post la rusiaj parlamentaj balotoj de la 7-a de decembro 2003 Ĵirinovskij elektiĝis vicprezidanto de la Dumao.

Interalie Ĵirinovskij postulis la restarigon de la malnovaj limoj de la Rusia Imperio laŭ la jaro 1917 kaj tiucele postulis la konkeron de Finnlando, Estonio, Latvio, Litovio, Pollando, Belarusio kaj Ukrainio. Aparte la lasta el la menciitaj ŝtatoj, la kerna lando de la historia Kieva Regno, konsiderendus la lulilo de la rusa nacio kaj havus multaj rusajn sanktajn kaj naciajn lokoj, do laŭ Ĵirinovskij klare estus malnova rusa teritorio. Dum 1999 li postulis plebisciton pri la reinstalo de la monarĥio, ĉar li planis dum la jaro 2008 sub la nomo "Vladimiro la 1-a" iĝi la nova rusia caro.

Lingvaĵo kaj ideologio de Ĵirinovskij malgraŭ la propra deveno de juda patro estas karakterizitaj per forta kontraŭjudismo kaj per demagogiaj, ofte tute nerealismaj teorioj - ekzemple li neas la ekziston de Osama bin Laden kaj asertas, ke la atencoj de la 11-a de septembro 2001 en Usono estus aranĝitaj de la usona registaro.[1]

Referencoj[redakti | redakti fonton]

  1. ekzemple la anglalingva bulteno Monitor de la organizo "Jamestown Foundation" (24-a de septembro 2001, vidita la 27-an de septembro 2008)

Eksteraj ligiloj[redakti | redakti fonton]