Vladimir Gernet
El Vikipedio
(Alidirektita el Vladimir GERNET)
Vladimir GERNET (Vladi'mir Aleksan'droviĉ, ruse Владимир Александрович Гернет) (naskiĝis en 1870, mortis en 1929), ruso, kemiisto kaj direktoro de vinber-instituto apud Odessa.
Pioniro de Esperanto, esperantistiĝis en 1890, jam en 1894 grupiĝis ĉirkaŭ li aro da fervoraj Esperantistoj en Odessa. Kunfondinto de la Lingvo Internacia, kiun li monsubtenis. Longe korespondis kun Zamenhof. Havis multajn malagrablaĵojn pro la rusa cenzuro.
Tradukis:
- Fantomoj de Korolenko, 1896, 49 p.;
- Pentraĵoj el vojaĝo de Heine, 1897, 16 p.;
- La faman leteron de Zamenhof al Borovko.
Kunlaboris krom Lingvo Internacia kun La Esperantisto, L' E-iste, k. a.
[redakti] Memoro pri Vladimir Gernet
Julie 2011 en la Instituto de vinberkultivado kaj vinfarado "V. Je. Tairov" (kies kunfondinto estis V. Gernet) estis inaŭgurita memortabulo omaĝe al li kun la teksto en la rusa kaj Esperanto.
[redakti] Eksteraj ligiloj
- ZEO-j en Odeso: 2. Memortabulo de Gernet
- (rus.) Esperantisto, vinfaristo, literaturisto (artikolo pri V. Gernet en la ĵurnalo "Vespera Odeso")
