Waldemar Rosenberger

El Vikipedio, la libera enciklopedio
Saltu al: navigado, serĉo

Waldemar ROSENBERGER [ROznberga] (ruse Владимир Карлович РОЗЕНБЕРГЕР, Vladimir Karloviĉ ROZENBERGER), naskita en 1848, mortinta en 1918, estis inĝeniero el Sankt-Peterburgo kaj de 1892 direktoro de la Akademio de Volapuko. Sub lia estreco la akademio okupiĝis pri naturismaj reformoj de la lingvo kaj en 1902 proponis reformitan projekton, kiu poste iĝis Idiom Neutral.

Edgar De Wahl mencias siajn kontaktojn al Rosenberger en siaj Interlinguistic reminiscenties (interlingvistikaj memoroj), dirante ke "sr Rosenberger self … ne esset grand mastro in ti arte" (s-ro Rosenberger mem … ne estis granda majstro en tiu arto [paroli Volapukon]); tion li prenis kiel pruvon pri la malfacileco de Volapuko.