Welschenrohr

El Vikipedio, la libera enciklopedio
Saltu al: navigado, serĉo
Welschenrohr
Blazono de Welschenrohr
Blazono de Welschenrohr
Katolika preĝejo de Welschenrohr
Katolika preĝejo de Welschenrohr
Kantono Soloturno
Distrikto Thal
Koordinatoj  47°16′54″N 7°31′44″O  /  47.28167°N, 7.52889°O / 47.28167; 7.52889 (Welschenrohr)Koordinatoj: 47°16′54″N 7°31′44″O  /  47.28167°N, 7.52889°O / 47.28167; 7.52889 (Welschenrohr)
Nombro de enloĝantoj 1124
Areo 12,97 km²
Alteco 680 m super marnivelo
Poŝtkodo 4716
Komunumkodo 2429
Mapo de Welschenrohr
Mapo de Welschenrohr

Pri la komunumo[redakti | redakti fonton]

Welschenrohr (prononcu: velŝnror; franclingva nomo: Rosières) estas komunumo en la distrikto Thal en Kantono Soloturno, Svislando. Ĝi havis 1124 loĝantojn je la 31-a de decembro 2009.

Geografio[redakti | redakti fonton]

Welschenrohr situas meze inter Balsthal kaj Moutier ĉe la bordo de la rivero Dünnern sur alteco de 680 m s.m. Sude de la vilaĝo leviĝas la ĵurasa montoĉeno Weissenstein. Rekte malantaŭ la vilaĝo leviĝas impresa rokvando nomit Fluh, kiu estas kvazaŭ la rekonilo de la vilaĝo. Supre sur la vando estas pentrita la komunuma blazono.

La teritorio de la komunumo etendiĝas sur areo de 12,97 km², de kiuj 59% estas kovritaj de arbaro, 35% servas por agrikulturo kaj 5% por setlado.[1]

Najbaraj komunumoj[redakti | redakti fonton]

La komunumo Welschenrohr limas en nordoriento kaj oriento al Herbetswil, en sudoriento al Balm ĉe Günsberg, en sudo al Rüttenen, en sudokcidento al Oberdorf, kaj en okcidento kaj nordokcidento al Gänsbrunnen.

Trafiko[redakti | redakti fonton]

Welschenrohr situas ĉe la kantona ĉefvojo n-ro 30 de Balsthal al Moutier. Al la publika transportreto la komunumo estas konektita per poŝtaŭtolinio de Gänsbrunnen al Balsthal.

Historio[redakti | redakti fonton]

La unua dokumenta mencio de Welschenrohr datiĝas el la jaro 1179 kiel Rore. En la jaro 1179 la Abatejo Moutier-Grandval posedis la privilegion pri la eklezia interezo kaj plenumigis la diservon en la Sankt-Nikolao-Kapelo. En la jaro 1427 Welschenrohr fariĝis feŭdo de la episkopo de Bazelo sub supera jurisdikcio de Soloturno. En la jaro 1535 Welschenrohr estis atribuita al la tribunalejo Matzendorf. En la jaro 1569 Soloturno akiris la privilegiojn pri ekleziaj interezoj kaj impoŝtoj. En la jaro 1609 Welschenrohr fariĝis aparta paroĥo. En la jaroj 1673 ĝis 1677 estis konstruita la katolika preĝejo Sankt-Teodulo kaj Sankt-Antonio de Padovo. En la jaro 1928 la preĝejo estis ampleksigita.[2]

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  2. Fonto: Urban Fink: Welschenrohr en Historia Leksikono de Svislando (2002-11-11)

Eksteraj Ligiloj[redakti | redakti fonton]

Bildoj[redakti | redakti fonton]