Wiesendangen

El Vikipedio, la libera enciklopedio
Saltu al: navigado, serĉo
Wiesendangen
Blazono de Wiesendangen
Vilaĝa centro de Wiesendangen laŭlonge de la rojo Wiesenbach
Kantono Zuriko
Distrikto Vinterturo
Koordinatoj  47°31′21″N 8°47′28″O  /  47.5225°N, 8.79111°O / 47.5225; 8.79111 (Wiesendangen)Koordinatoj: 47°31′21″N 8°47′28″O  /  47.5225°N, 8.79111°O / 47.5225; 8.79111 (Wiesendangen)
Nombro de enloĝantoj 4466
Areo 9,68 km²
Alteco 469 m super marnivelo
Poŝtkodo 8542
Komunumkodo 0229

Pri la komunumo[redakti | redakti fonton]

Wiesendangen estas komunumo en la distrikto Vinterturo, Kantono Zuriko, Svislando. Ĝi havis 4466 loĝantojn je la 31-a de decembro 2007. Al Wiesendangen apartenas ankaŭ la periferiaj setlejoj Attikon, Buch kaj Menzengrüt.

Geografio[redakti | redakti fonton]

Preĝejo de Wiesendangen
Fajrobrigadejo de Wiesendangen

Wiesendangen situas oriente de la urbo Vinterturo en iama marĉlando, kiu nun estas agrikulture utiligita. La komunumo apartenas al la Zurika Vinlando, pri kio atestas la vitejoj je la suda flanko de la montetoj sur la komunuma teritorio. Tra la centro de la vilaĝo kun sia bone konservita historia kerno fluas la rivereto Wiesenbach.

Trafiko[redakti | redakti fonton]

La stacidomo Wiesendangen de la Svisaj Federaciaj Fervojoj situas ĉe la trajnlinio de Fraŭenfeld al Vinterturo kaj estas servita de la regionaj trajnlinioj S8 kaj S30 de la Zurika Trafik-Unio. Wiesendangen ankaŭ havas aliron al la svisaj aŭtovojoj A1 kaj A7.

Historio[redakti | redakti fonton]

La nomo Wiesendangen etimologie ne rilatas al la germana vorto Wiese (esperante herbejo) sed devenas de la vorto Wisent por eŭropa bizono. En la unua skriba mencio de la komunumo el la jaro 804 oni legas latine: "in loco, qui dicitur Wisuntwangas" [loko nomita Wiesendangen]. En la 9-a jarcento la plej granda bienposedanto en Wiesendangen estis la Monaĥejo Sankt-Galo. Tiu posedaĵo tamen plurfoje ŝanĝis la posedanton al diversaj nobelaj familioj, ĝis finfine en la 15-a jarcento la tuta komunumo venis sub regado de la urbo Zuriko.

Asteroido Wiesendangen[redakti | redakti fonton]

La planedeto 144096, kiu estis malkovrita la 23-an de januaro 2003 de la astronomo Markus Griesser portas honore al lia hejmkomunumo la nomon Wiesendangen.

Eksteraj Ligiloj[redakti | redakti fonton]