Wilhelm Conrad Röntgen

El Vikipedio, la libera enciklopedio
Saltu al: navigado, serĉo
Wilhelm Conrad Röntgen
Wilhelm Conrad Röntgen (1845--1923).jpg
Röntgen en la jaro 1896
Naskiĝo 27-an de marto 1845
Naskiĝloko Flag of Prussia 1892-1918.svg Lennep (nun parto de Remscheid), Prusio
Mortodato 10-an de februaro 1923
Mortoloko Flago de Germanio Munkeno, Germanio
Kampo fizikisto
Labor-institucioj Universitato de Strasburgo
Hohenheim
Universitato de Gießen
Universitato de Würzburg
Universitato de Munkeno
Alma mater ETH Zurich
Universitato de Zuriko
Doktoreca konsilisto August Kundt
Doktorecaj studentoj Herman March
Abram Ioffe
Ernst Wagner
Emil Silbernagel
Premioj Nobel-premio por fiziko (1901)
v  d  r
Information icon.svg

Wilhelm Conrad RÖNTGEN (Esperante: Rentgeno) (naskiĝis la 27-an de marto 1845 en Lennep (nun parto de Remscheid), mortis la 10-an de februaro 1923 en Munkeno) estis germana fizikisto.

La ĉefa merito de Röntgen estas la eltrovo de nevideblaj radioj, kiuj trapenetras preskaŭ ĉiun solidan materialon. Li faris tiun ĉi malkovron en la jaro 1895, dum sia laboro en la universitato de Würzburg. Pro la nekonata karaktero de la malkovrita radiado, li alnomis ĝin per la litero X, kaj tiu nomo, iksradioj plu restas kiel identigilo de lia malkovro, apud la ankaŭ uzata rentgenaj radioj.

Tiu malkovro malfermis tutan novan kampon de esplorado, kaj dum la sekvaj jaroj oni trovis kaj esploris plurajn novaj tipojn de radiado.

En la jaro 1901 li estis honorata per la unua disdonata Nobel-premio pri fiziko.

La al li ofertatan nobeltitolon li rifuzis, same kiel la patentigon de sia malkovro; ĉi-lastan li faris, ĉar li ne volis malhelpi la utiligon de siaj eltrovoj en la tekniko kaj la medicino.

Ĝis nun la rentgenaj radioj estas vaste uzataj por la sciencaj esploroj de atomoj, molekuloj kaj kristaloj, same kiel por la diagnostiko kaj la terapio de malsanoj. La danĝerajn kromefikojn de la radioj oni intertempe povas redukti, per tekniko nomata radiada protekto.