Willi Bredel

poŝtmarko de la Germana Poŝto de GDR el 1971 kadre de la serio "konataj personaĵoj"

Willi Bredel (naskiĝis la 2-an de majo 1901 en Hamburgo; mortis la 27-an de oktobro 1964 en Orienta Berlino) estis germanlingva verkisto kaj prezidanto de la Germana Akademio de Artoj (Deutsche Akademie der Künste) en GDR. Li apartenis al la pioniroj de la socialisma-realisma literaturo.

Lia unua germanlingva romano Maschinenfabrik N&K de 1930 je la titolo Maŝinfabriko N&K en 1932 aperis ankaŭ en Esperanto. La eldonon realigis la Eldon-Kooperativo por Revolucia Esperanto-Literaturo (EKRELO).