Wojciech Bartos Głowacki

El Vikipedio, la libera enciklopedio
Saltu al: navigado, serĉo
Wojciech Bartos en la pentraĵo de Jan Matejko

Wojciech Bartos, ekde 1794 - Głowacki (naskiĝis ĉ. 1758 en Rzędowice, mortis 1794 en Kielce) - pola kamparano, heroo de insurekcio de Kościuszko, standardisto de krakovaj grenadistoj.

Dum la batalo de Racławice 4-an de aprilo 1794 li distingiĝis per granda kuraĝo (forprenis rusan kanonon estingante la meĉon per sia ĉapo). Vundita dum la batalo de Szczekociny (6-an de junio 1794) li mortis kaj estis enterigita en Kielce. Post malvenko de la insurekcio Głowacki iĝis la simbolo de kuraĝo kaj braveco.