Wojciech Korfanty
(1873-1939)
Wojciech KORFANTY, naskiĝis kiel Albert Korfanty la 20-an de aprilo 1873 en Sadzawka (hodiaŭ: Siemianowice Śląskie; Pollando), mortis la 17-an de aŭgusto 1939 en Varsovio - ĵurnalisto, membro de la germana imperia parlamento, pola ĉefministro, ligita al kristana demokratio. Li gvidis la kontraŭgermanajn batalojn de la poloj en Supra Silezio.
Korfanty en 1903 elektiĝis al la germana parlamento kiel reprezentanto de Supra Silezio, poste de 1904 ĝis 1918 estis membro de la prusa imperia asembleo. Post la unua mondmilito, li trudis voĉdonadon pri Supra Silezio. Kvankam plimulto deklaris volon al Germanio, post kampanjo de Korfanty formiĝis porpollanda plimulto en la industria parto de Supra Silezio (sudoriente, en marto de 1921). Korfanty komencis armilan ribelon (majo de 1921), poste altrudis sian opinion pri la limlinio al la aliancanoj.
Li estis membro de Konstituciodona Asembleo (1919–22), poste gvidanto de la nacia bloko (1922–30). Li kontraŭis diktatorajn metodojn de Józef Piłsudski, pro kio li estis juĝita je prizono en 1930, sed baldaŭ liberiĝis kaj iĝis membro de la Senato. Li vivis ekde 1935 en Ĉeĥoslovakio, kaj revenis en Pollandon la 29-an de aprilo 1939, oni arestis lin, li baldaŭ, post la denova liberiĝo mortis.
Aliaj kreintoj de pola sendependeco
Vidu ankaŭ
Bibliografio
- Szmatolch Barbara, Losy [wojenne i powojenne] rodziny Wojciecha Korfantego (Sortoj [militaj kaj postmilitaj] de la familio de Wojciech Korfanty), „Śląsk”, 2009, n-ro 9, p. 10-14.
- Kozłowska Halżka A., Wspomnienie Halżki Rupp-Kozłowskiej o swoim ojcu Wojciechu Korfantym (Rememoro de Halżka Rupp-Kozłowska pri sia patro Wojciech Korfanty), „Śląsk”, 2009, n-r 9, p. 15.