Worcester (Sud-Afriko)

Worcester estas grandurbo en Sudafriko, en provinco Okcidenta Kablando.

Mapo pri suda parto de Sud-Afriko, kie Worcester situas

Bazaj informoj

• Koordinatoj: 33°38′S 19°26′O
• Areo: 63 km²
• Loĝantaro: 150.657 (en 2012)
• Supermara alteco: 223-285 m
• Horzono: UTC +2 h
• Poŝtkodo: 6850

Geografio

Worcester situas sur montetaro en la suda parto de la lando. Paarl troviĝas 44, Kaburbo 99, Port Elizabeth 569, Bloemfontein 815, Durbano 1173, Johanesburgo 1175, Pretorio 1225 km.

Ĉefstrato de Worcester

Historio

Tiu loko komence estis ŝatata ĉasloko. La unuaj eŭropaj bienoj aperis en 1731. Poste alvenis ankaŭ sklavoj, en la 19-a jarcento ankaŭ germanoj, dume vitejoj formiĝis. En 1834 la sklava erao finiĝis. El la bienoj urbeto formiĝis, kiu prenis la nomon Worcester, kiu ricevis municipan statuson en 1895.

Trafiko

La nacia ĉefŝoseo Johanesburgo-Kaburbo tuŝas Worcester-on. Fervojo funkcias al Kimberley (Sud-Afriko), Kaburbo kaj Port Elizabeth.

Strato en Worcester

Klimato

Worcester havas subtropikan klimaton. La averaĝa temperaturo varias inter 10-30 °C, malofte ĝis 40 °C. La varmo en januaro kulminas kaj malkulminas en julio. Jare pluvas nur po 175 mm, ĉar la ĉirkaŭaj altaj montoj baras la nubojn.

Vidindaĵoj

• anglikana preĝejo de Sankta Jakobo de 1851
• moskeo por la malajoj
• luterana preĝejo de germanoj de 1883
• sinagogo
• muzeo

Fontoj

• Angla Vikipedio
• loĝantaro
• mapo, distancoj