Zodiako

El Vikipedio

La zodiako estas la zono de ĉielo, kiun la Suno trapasas, vidita el la Tero. La linio tra kiu la Suno sin movas estas nomata ekliptiko; la zodiako estas la zono, 8 gradojn norden kaj ok gradojn suden, en kiu ankaŭ la Luno kaj la planedoj sin movas (ĉiam viditaj el la Tero). Nur Plutono iafoje vagas eksteren.

Konfuzoj ofte okazas inter la zodiakaj signoj (signoj de la konstelacio) kaj la konstelacioj, laŭ kiuj ili nomiĝas. El la 88 konstelacioj, en kiujn ni laŭtradicie dividas la stelĉielon, la Suno trapasas 13 tiajn. La signoj de la zodiako kontraŭe estas nuraj partoj de la ekliptiko: Oni dividas la vojon de la Suno (vidata el la Tero) en 12 partojn po 30 gradoj. Ili ricevis la nomojn de la konstelacioj, en kiuj ili pli-malpli situis antaŭ 2000 jaroj. Intertempe, pro la precesio, ili forŝovis unu de la alia je proksimume 30 gradoj. Do kiam la Suno pasas la konstelacion nomitan Pesilo, ĝi estas en la signo nomita Skorpio.

Tradicie, laŭ astrologio, estas 12 signoj de la zodiako (la datoj estas proksimume kiam la Suno estas en ĉiu signo laŭ Okcidenta astrologio):

signonomo	latine	simbolo	bildo	de	ĝis
Ŝafo	Aries			21-a de Marto	19-a de Aprilo
Taŭro	Taurus			20-a de Aprilo	20-a de Majo
Ĝemeloj	Gemini			21-a de Majo	21-a de Junio
Kankro	Cancer			22-a de Junio	22-a de Julio
Leono	Leo			23-a de Julio	22-a de Aŭgusto
Virgo	Virgo			23-a de Aŭgusto	22-a de Septembro
Pesilo	Libra			23-a de Septembro	22-a de Oktobro
Skorpio	Scorpius			23-a de Oktobro	21-a de Novembro
Sagitario	Sagittarius			22-a de Novembro	21-a de Decembro
Kaprikorno	Capricornus			22-a de Decembro	Jan 19-a de Januaro
Akvisto	Aquarius			20-a de Januaro	18-a de Februaro
Fiŝoj	Pisces			19-a de Februaro	20-a de Marto

Laŭ astronomio, estas 13 konstelacioj de la zodiako (kun la proksimumaj datoj kiam la Suno estas en ĉiu konstelacio kaj la daŭro):

signonomo	latine	de	ĝis	daŭro (tagoj)
Ŝafo	Aries	Apr 19	Maj 13	25
Taŭro	Taurus	Maj 14	Jun 19	37
Ĝemeloj	Gemini	Jun 20	Jul 20	31
Kankro	Cancer	Jul 21	Aŭg 9	20
Leono	Leo	Aŭg 10	Sep 15	37
Virgo	Virgo	Sep 16	Okt 30	45
Pesilo	Libra	Okt 31	Nov 22	23
Skorpio	Scorpius	Nov 23	Nov 29	7
Ofiuĥo	Ophiuchus	Nov 30	Dec 17	18
Sagitario	Sagittarius	Dec 18	Jan 18	32
Kaprikorno	Capricornus	Jan 19	Feb 15	28
Akvisto/Amforo	Aquarius	Feb 16	Mar 11	24
Fiŝoj	Pisces	Mar 12	Apr 18	38

[redakti] Vidu ankaŭ

Rilataj artikoloj troviĝas en Portalo pri Aŭgurado

Jen tabelo montranta por la zodiakaj stelaroj nomojn en Esperanto, la latina kaj la greka, kaj la simbolojn kiel bildojn kaj kiel unikodajn signojn.

sezono	zodiaka signo	latina nomo	simbolo	unikoda kodo	unikoda signo	greka nomo
Norda printempo	Ŝafo	Aries		2650	♈	ϰριος
	Taŭro	Taurus		2651	♉	ταυρος
	Ĝemeloj	Gemini		2652	♊	διδυμοι
Norda somero	Kankro	Cancer		2653	♋	ϰαρϰινος
	Leono	Leo		2654	♌	λεων
	Virgulino	Virgo		2655	♍	παϱθενος
Norda aŭtuno	Pesilo	Libra		2656	♎	ζυγος
	Skorpio	Scorpius		2657	♏	σϰοϱπιος
	Sagitario	Sagittarius		2658	♐	τοξευτης
Norda vintro	Kaprikorno	Capricornus		2659	♑	αἰγοϰερως
	Akvisto	Aquarius		265A	♒	ὑδροχοος
	Fiŝoj	Pisces		265B	♓	ἰχθυς

Ĉi tiu artikolo bezonas poluradon, ĉar ĝi montras stilajn kaj/aŭ gramatikajn kaj/aŭ strukturajn problemojn, kiuj ne konformas al bona kvalitnivelo. La priskribo de la problemo troviĝas ĉi tie.