Zofia Kossak-Szczucka

El Vikipedio, la libera enciklopedio
Zofia Kossak-Szczucka
Persona informo
Zofia Kossak-Szczucka
Naskiĝo 10-an de aŭgusto 1889 (1889-08-10)
en Kośmin, Lublin Voivodeship
Morto 9-an de aprilo 1968 (1968-04-09) (78-jaraĝa)
en Bielsko-Biała
Tombo Silezia Provinco vd
Religio Katolika Latina Eklezio vd
Etno poloj vd
Lingvoj pola vd
Ŝtataneco Pollando vd
Alma mater Lernejo de Belartoj en Varsovio vd
Familio
Dinastio House of Kossak vd
Patro Tadeusz Kossak vd
Infanoj Anna Szatkowska vd
Parencoj François Rosset vd
Profesio
Okupo verkistopublikigisto • poeto • aŭtoroinstruisto vd
Laborkampo romano vd
Verkado
Verkoj Brulego. Rememoroj de Volinio 1917-1919 ❦
Q19061188 ❦
Q11750052 ❦
Q23809241 ❦
Q9182316 ❦
Q25415458 ❦
Q24948258 vd
vd Fonto: Vikidatumoj
vdr

Zofia KOSSAK-SZCZUCKA (naskiĝis la 10-an de aŭgusto 1889 en Kośmin, Distrikto Puławski, mortis la 9-an de aprilo 1968 en Bielsko-Biała) estis pola romanistino, partoprenantino de la rezistomovado Konsilantaro por Helpo al Judoj "Żegota".

Zofia Kossak kun patrino Anna Kisielnicka-Kossak, 1892
La tombo de Zofia Kossak-Szczucka en Górki Wielkie
La Muzeo de Zofia Kossak-Szczucka en Górki Wielkie, la filio de la Cieszyn-Muzeo
La memortabulo por Zofia Kossak-Szczucka en Górki Wielkie, ĉe la muro de loka katolika preĝejo, 1981

Vivo[redakti | redakti fonton]

Ŝi estis filino de Tadeusz Kossak (ĝemela frato de Wojciech Kossak) kaj Anna Kisielnicka. Infanecon kaj junecon pasigis en Lublinio kaj Volinio.

Dum la dua mondmilito restis en Varsovio, kie agadis konspire kaj bonfare. Ŝi gvidis organizaĵon Front Odrodzenia Polski (Fronto de Renaskiĝo de Pollando), sekreta katolika organizaĵo, kiu estis daŭrigo de la antaŭmilita Akcja Katolicka (Katolika Agado). Ankaŭ kunlaboris kun politik-armea subtera organizaĵo Unia (Unio).

Zofia Kossak kunredaktis la unuan subteran revuon "Polska Żyje" (Pollando Vivas). Aŭguste 1942 publikigis sian proteston kontraŭ holokaŭsto. Septembre 1942 kun Wanda Krahelska fondis Provizoran Komitaton por Helpo al Judoj, ŝanĝita baldaŭ al Rada Pomocy Żydom "Żegota" (Konsilantaro por Helpo al Judoj)([1]). Postmilite ŝi estis distingita per la medalo "Sprawiedliwy Wśród Narodów Świata" (Justuloj inter la popoloj). En 1943 estis arestita kaj malliberigita en koncentrejo Aŭŝvico - rememoroj pri tio priskribis en la libro Z otchłani (De abismo) - traslokigita al la varsovia Pawiak kaj mortkondamnita. Liberigita en 1944, danke al penado de subteraj regopovoj de la rezisto-movado, partoprenis la Ribelon de Varsovio. En la postmilitaj jaroj influis edukadon de juna Władysław Bartoszewski.

En 1945 estis direktita de la Pola Ruĝa Kruco al Londono. Inter pola enmigrantaro ŝi vivis 12 jarojn en Kornvalo mastrumante kun la edzo en bieno kaj daŭrigante sian verkistan laboron. Okcidente ŝia verkado ĝuis ĉiam pligrandiĝantan popularecon, ŝiaj libroj estis furorlibroj, kaj la romano "Bez oręża" (Sen armilo) troviĝis fronte de Book of the Month en Usono. Pli frue, en 1932 la verkistino estis distingita per literatura premio de silezia vojevodio. En 1935 mortis ŝia patro Tadeusz Kossak. En 1936 ŝi ricevis Oran Laŭron Akademian de Pola Akademio de Literaturo, la plej grava institucio de pola kulturo de intermilita periodo, kaj en 1937 estis distingita per Oficira Kruco de la Ordeno Polonia Restituta.

En Pollando, en 1951 ĉiuj ŝiaj verkoj estis cenzuritaj kaj senprokraste forigataj de bibliotekoj. Post sia reveno al la patrujo en 1957 ŝi denove setlis en Górki Wielkie, distrikto Cieszyński.

Kreado[redakti | redakti fonton]

  • Beatum scelus (Beata kulpo), romano
  • Bez oręża – (Sen armilo) historia romano, 1937
  • Bursztyny (Sukcenoj), 1958
  • Chrześcijańskie posłannictwo Polski (Kristanisma mesaĝo de Pollando)
  • Kłopoty Kacperka góreckiego skrzata (Embarasoj de Kacperek, montarana koboldo) (Porinfana literaturo), 1924
  • Legnickie pole (Kampo de Legnica), 1930; germana traduko, 1931
  • Pątniczym szlakiem. Wrażenia z pielgrzymki (Pilgrima itinero. Impresoj pri pilgrimado), 1933
  • Trilogio:
    • Krzyżowcy - romano pri la unua krucmilito, 1935, 4 volumoj
    • Król trędowaty (Lepra reĝo) - historia romano, 1937
    • Pożoga. Wspomnienia z Wołynia 1917-1919 (Brulego. Rememoroj de Volinio 1917-1919) – biografia romano, 1922
  • Przymierze (Alianco) – biblia romano pri patriarko Abrahamo, 1952
  • Troja północy (Trojo de la nordo; kune kun Zygmunt Szatkowski) – historia romano pri slavoj transelbaj
  • W Polsce Podziemnej: wybrane pisma dotyczące lat 1939-1944 (En la Subtera Pollando: elektitaj artikoloj pri 1939-1944)

Aŭtora citaĵo[redakti | redakti fonton]

Kiu silentas pri la murdo, tiu fariĝas kunhelpanto de la murdisto. Kiu ne kondamnas, tiu konsentas – skribis Zofia Kossak-Szczucka reage al komenco de la granda ekstermiga agado en la Varsovia geto.

Ŝi ankaŭ opiniis ke koncerne holokaŭston de la nacio elektita la tuta mondo iĝas Pontio Pilato.

En Esperanto aperis[redakti | redakti fonton]

  • Obseditaj de Dio

Vidu ankaŭ[redakti | redakti fonton]

Eksteraj ligiloj[redakti | redakti fonton]

Referencoj[redakti | redakti fonton]