Zuchwil

El Vikipedio, la libera enciklopedio
Saltu al: navigado, serĉo
Zuchwil
Blazono de Zuchwil
Blazono de Zuchwil
Komunuma administrejo de Zuchwil
Komunuma administrejo de Zuchwil
Kantono Soloturno
Distrikto Wasseramt
Koordinatoj  47°12′20″N 7°33′35″O  /  47.20556°N, 7.55972°O / 47.20556; 7.55972 (Zuchwil)Koordinatoj: 47°12′20″N 7°33′35″O  /  47.20556°N, 7.55972°O / 47.20556; 7.55972 (Zuchwil)
Nombro de enloĝantoj 8684
Areo 4,63 km²
Alteco 433 m super marnivelo
Poŝtkodo 4528
Komunumkodo 2534
Mapo de Zuchwil
Mapo de Zuchwil

Zuchwil [Zuĥvil] estas komunumo en la distrikto Wasseramt en Kantono Soloturno, Svislando. Ĝi havis 8684 loĝantojn je la 31-a de decembro 2007.

Geografio[redakti | redakti fonton]

Zuchwil situas oriente de la kantonĉefurbo Soloturno ĉe la norda bordo de la rivero Aro. Ĝian orientan limon forma la rivero Emme, kiu en la nororienta angulo de Zuchwil alfluas la Aron. La komunumo apartenas al la aglomeraĵo de Soloturno, kun kiu ĝi estas komplete ligita.

La teritorio de la komunumo etendiĝas sur areo de 4,63 km², de kiuj 19,2% estas kovritaj de arbaro, 24,8% servas por agrikulturo kaj 52,9% por setlado. [1]

Najbaraj komunumoj[redakti | redakti fonton]

La komunumo limas en nordo al Feldbrunnen-Sankt Niklaus kaj Riedholz, en oriento al Luterbach kaj Derendingen, en sudo al Biberist, kaj en okcidento al Soloturno.

Trafiko[redakti | redakti fonton]

Kvankam tra Zuchwil pasas du trajnlinioj, la komunumo ne disponas pri propra stacidomo. La ĉefstacidomo de Soloturno tamen atingeblas ek de la centro de Zuchwil en kvaronhoro piede, kaj la komunumo estas konektita al la loka busreto de Soloturno.

Historio[redakti | redakti fonton]

La unua dokumenta mencio de Zuchwil datiĝas el la jaro 1052 kiel Zuchwile. En la komunumo tamen jam en romia tempo ekzistis homaj setlejoj, kiel pruvis la restaĵo de romia bieno kaj la ŝoseo de romia strato. En la jaro 1365 la urbo Soloturno akiris de la Grafoj de Buchegg la jurisdikcion pri Zuchwil kaj en la jaro 1501 ankaŭ la regado transiris al Soloturno.

1817 la kadavro de Tadeusz Kościuszko estis enterigita en la tombejo de Zuchwil, ĝis ĝi poste estis rehejmigita al la reĝa tombejo en Krakovo en Pollando.

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011

Eksteraj Ligiloj[redakti | redakti fonton]