Lima Barreto
| Lima Barreto | ||
|---|---|---|
| ||
| Persona informo | ||
| Naskonomo | Afonso Henriques de Lima Barreto | |
| Naskiĝo | 13-an de majo 1881 en Rio-de-Ĵanejro | |
| Morto | 1-an de novembro 1922 (41-jaraĝa) en Rio-de-Ĵanejro | |
| Mortis pro | naturaj kialoj vd | |
| Mortis per | korinfarkto vd | |
| Tombo | Cemitério de São João Batista vd | |
| Etno | nigruloj • Afrikobrazilano vd | |
| Lingvoj | portugala vd | |
| Ŝtataneco | Brazilo vd | |
| Familio | ||
| Patro | João Henriques de Lima Barreto vd | |
| Patrino | Amélia Augusta de Lima Barreto vd | |
| Gefratoj | Carlindo de Lima Barreto • Evangelina de Lima Barreto • Afonso Henriques de Lima Barreto • Nicomedes de Lima Barreto vd | |
| Infanoj | Amália Augusta de Lima Barreto vd | |
| Profesio | ||
| Okupo | ĵurnalisto • verkisto • romanisto vd | |
| Verkado | ||
| Verkoj | Triste Fim de Policarpo Quaresma vd | |
| vd | Fonto: Vikidatumoj | |
Afonso Henriques de LIMA BARRETO estis brazila verkisto naskiĝis (1881) kaj mortis (1922) en Rio-de-Ĵanejro. Li estis ĵurnalisto, romanisto kaj aŭtoro de rakontoj kaj kronikoj. Li estis mulato kaj pasigis la tutan vivon en malriĉeco, kvankam jam siatempe rekonata kiel talenta verkisto. Pro manko de rimedoj, li rezignis pri studoj pri inĝenierarto kaj sindonis al ĵurnalismo. Li laboris kiel ŝtatoficisto kaj fariĝis tipa romanisto de Rio-de Ĵanejro, ĉar li priskribis tie ajn vivon kaj morojn kun sagaco, ironio, eĉ sarkasmo. Li konstante kritikis la socian vivon kaj la sintenon de simplaj popolanoj, tiel ke liaj verkoj fariĝis akra dokumento pri sia epoko.
Dufoje (1914 kaj 1918) li estis metita en frenezulejon. Lia verkstilo estas vigla kaj foje amara, kaj li preferis rekrei la parolturnojn de popolanoj ol sin teni al formala beletra eleganteco. Oni ofte komparas lian verkaron al tiu de Machado de Assis, sed verŝajne li mem ne ŝatus la komparon, pro sia natura ribelemo.
Lia plej konata romano estas "O Triste Fim de Policarpo Quaresma" ("La Bedaŭrinda Fino de Policarpo Quaresma"), kiu transformiĝis en filmon, sed plurajn aliajn, same valorajn, li verkis. La plimulto el tiuj publikiĝis post lia morto.