Gotfredo la 5-a (Anĵuo)
| Gotfredo la 5-a | |||||
|---|---|---|---|---|---|
| Duko de Normandio | |||||
 Emajla figuraĵo de Gotfredo la 5-a, el lia tombo en la Katedralo de Le Mans
| |||||
| Persona informo | |||||
| Naskiĝo | 24-an de aŭgusto 1113 en Angers | ||||
| Morto | 7-an de septembro 1151 (38-jaraĝa) en Château-du-Loir | ||||
| Tombo | Katedralo de Manso vd | ||||
| Lingvoj | malnovfranca vd | ||||
| Ŝtataneco | Francio vd | ||||
| Familio | |||||
| Dinastio | Anĵua dinastio vd | ||||
| Patro | Fulk, reĝo de Jerusalemo vd | ||||
| Patrino | Ermengarde, Countess of Maine vd | ||||
| Gefratoj | Sibylla of Anjou • Matilda of Anjou • Amalriko la 1-a de Jerusalemo • Elias II, Count of Maine • Baldueno la 3-a de Jerusalemo vd | ||||
| Edz(in)o | Matilda • Adelaide of Angers vd | ||||
| Infanoj | Henriko la 2-a de Anglio • Geoffrey, Count of Nantes • Hamelin de Warenne, Earl of Surrey • Mary of Shaftesbury • Emma of Anjou • William FitzEmpress vd | ||||
| Profesio | |||||
| Okupo | aristokrato vd | ||||
| |||||
Duko de Normandio 
| |||||
| Dum | 1144-1150 | ||||
| Antaŭulo | Stefano | ||||
| Sekvanto | Henriko la 2-a | ||||
| vd | Fonto: Vikidatumoj | ||||
Gotfredo la 5-a, Grafo de Anĵuo (n. la 24-an de aŭgusto 1113 - m. la 7-an de septembro 1151), nomata "la bel-vizaĝa".
Li estis la pli aĝa filo de Fulk la 5-a (Anĵuo) kaj Eremburga de La Flèche, heredontino de Elias la 1-a de Maine. Oni moknomis lin "Plantaĝeneto" laŭ la flava branĉeto de citizo (genêt estas la franca por genista, la citizo), kiun li portis enĉapele. Kiel junulo li famis pro siaj kuraĝo kaj kapabloj, kaj tial Henriko la 1-a (Anglio) proponis ke li edziĝus al lia filino Matilda. Li konsentis, kaj, anticipe de la edziĝo, Henriko kavalirigis lin ĉe Rouen la 10-an de junio 1128. La edziĝo mem okazis la sekvantan semajnon, la 17-an de junio. Matilda estis la vidvino de la Sankta Romia Imperiestro Henriko la 5-a. Matilda havis dek-unu pli jarojn ol Gotfredo kaj fieris pro sia rango de Imperiestrino. Ŝi kaj Gotfredo havis tempestajn rilatojn.
En 1129 la patro de Gotfredo iris al Jerusalemo, kie li iĝis reĝo, kaj Gotfredo iĝis Grafo de Anĵuo, Touraine kaj Maine.
Henriko la 1-a devigis siajn baronojn ĵuri ke ili agnoskos Matildan kiel lia heredonto. Post kiam Henriko mortis en 1135, Matilda eniris Normandion por ĝui sian heredon. Tamen en Anglio la nevo de Henriko, Stefano, pretendis la tronon, kaj rezultis longa enlanda milito. Inter 1142 kaj 1144 Gotfredo konkeris Normandion kaj nomis sin Duko de Normandio. En 1149 li kaj Matilda donis la duklandon al sia filo Henriko.
En 1129, 1135 kaj 1145-51 okazis baronaj ribeloj en Anĵuo, kiujn Gotfredo sukcese subpremis. La tria ribelo, kaj malkontento en Normandio, malebligis Gotfredon doni multe da subteno al sia edzino kiu batalis en Anglio por la angla trono ĝis 1153, kiam per la Traktato de Westminster estis decidata ke Stefano restos Reĝo de Anglio ĝis sia morto, kaj poste heredus Henriko, la filo de Gotfredo kaj Matilda. Tiel fondiĝis la Plantaĝeneta dinastio de Anglio.
La 7-an de septembro 1151 subite mortis Gotfredo ĉe Château-du-Loir, verŝajne pro febro revene de reĝa koncilio. Li entombiĝis en la katedralo de Le Mans.
Gotfredo kaj Matilda havis tri infanojn:
- Henriko la 2-a (Anglio) (1133-89)
- Gotfredo, Grafo de Nantes (1134-58)
- Vilhelmo, Grafo de Poitou (1136-64).
Gotfredo ankaŭ havis almenaŭ tri eksteredzecajn infanojn:
- Hamelin de Warenne (1129-1202), kiu edziĝis al la riĉega angla nobelino Isabella de Warenne, Grafino de Surrey
- Emma, kiu edziĝis al la kimra princo Dafydd ab Owain Gwynedd
- Maria, kiu iĝis abatino de Shaftesbury, kaj eble estis la grava poetino Maria de Francio.