Norman Robert Pogson

Norman Robert Pogson
Norman Robert Pogson
Persona informo
Nomo	Norman Robert Pogson
Dato de naskiĝo	23-a de marto 1829
Naskiĝloko	Nottingham
Dato de morto	23-a de junio 1891
Mortoloko	Madraso
Aĝo je morto	62
Okupoj kaj profesioj
Okupo	astronomo
Geografio
Ŝtato	Britio
Familio
Infano	Vera, Isis Pogson [+]
Ceteraj informoj
Honorigo	Premio Lalande [+]
Portalo pri Homoj
	v • d • r

Norman Robert Pogson (naskiĝis la 23-an de marto 1829 en Nottingham, mortis la 23-an de junio 1891 en Madraso) estis brita astronomo

Aĝa de nur 18 jaroj li jam estis kalkulinta la orbitojn de du kometoj.

En 1851 li iĝis helpanto en la observatorio Radcliff de Oksfordo. En 1860 li iris en Baraton por iĝi direktoro de la observatorio de Madraso (nun, Ĉenajo). Tie li komponis la katalogon de Madras de 1105 steloj. Li malkovris ankaŭ tie kvin asteroidojn kaj ses variantajn stelojn.

En 1868 kaj 1871, li partoprenis al la ekspedicioj por la observo de sunaj eklipsoj en Barato.

Li restis estro de la observatorio de Madraso dum tridek jaroj, ĝis sia morto. Dum lia kariero li malkovris entute 8 asteroidojn kaj 21 variantajn stelojn.

Lia ĉefa kontribuaĵo al scienco estis rimarki, ke en la sistemo de videbla magnitudo eltrovita de la greka astronomo Hiparko, la steloj de unua magnitudo estis centope pli brilaj ol tiuj de sesa magnitudo. Li sugestis en 1856 fari ke la malsupreniro de unu magnitudo kongruu kun supreniro de brilo de la kvina radiko de 100 aŭ, ke malpligrandiĝo de la magnitudo je 1 unuo signifu pligrandiĝon de kvanto da lumo je 100^1/5 ~= 2,512 fojoj^[1].

**Malkovritaj asteroidoj : 8**
42 Isis	23-a de majo 1856	Oksfordo
43 Ariadne	15-a de aprilo 1856
46 Hestia	16-a de aŭgusto 1857
67 Asia	17-a de aprilo 1861	Madraso
80 Sappho	2-a de majo 1864
87 Sylvia	16-a de majo 1866
107 Camilla	17-a de novembro 1868
245 Vera	6-a de februaro 1885