Naha

	Naha
	urbo
	De supre maldekstre: Centra Naha, Kokusai dōri, Kastelo Ŝuri, Kinjoĉo Iŝidatami-miĉi, aŭtovojo 58 en Naha
Flago	Blazono
	Oficiala nomo: 那覇市
Lando	Japanio
Insulo	Okinava insulo
Gubernio	Okinavo
Historia regiono	Rjukju-reĝlando
Maro	Sudĉina Maro
Situo	Naha
- koordinatoj	26° 12′ 44″ N 127° 40′ 45″ O / 26.21222 °N, 127.67917 °O (mapo)
Areo	38,99 km² (3 899 ha)
Loĝantaro	313 970 (2005)
Denseco	8 052,58 loĝ./km²
Estiĝo	1921
Horzono	GMT (UTC+9)
Poŝtkodo	900-8585
Telefona antaŭkodo	(098) 867-0111
Arbo	Fukugi
Floro	Bugenvilo
	Situo enkadre de Japanio (Okinava insulo) Situo enkadre de Japanio (Okinava insulo)
	Situo de Naha en la Gubernio Okinavo Situo de Naha en la Gubernio Okinavo
	Vikimedia Komunejo: Naha, Okinawa
	Retpaĝo: http://www.city.naha.okinawa.jp/

Koordinatoj: 26° 12′ 44″ N 127° 40′ 45″ O / 26.21222 °N, 127.67917 °O (mapo)

Naha (japane 那覇 [Naha]) estas ĉefurbo de la japana gubernio Okinavo. La moderna urbo estis fondita la 20-an de majo 1921, sed jam antaŭe temis pri la plej grava kaj la plej loĝata urbo en la Rjukju-insularo. Ekde la komenco de la 15-a jarcento ĝis la jaro 1879 ĝi estis ĉefurbo de la Rjukju-reĝlando.

Naha situas sur bordo de la Sudĉina Maro, en la suda parto de la Okinava (ĉef)insulo, kiu estas parto de la Okinavaj insuloj kaj la plej granda insulo en la Rjukju-insularo.

Naha estas la politika, ekonomia kaj eduka centro de la gubernio Okinavo. En la pasinteco ĝi estis ankaŭ la religia centro de la Rjukju-dinastio.

Fine de la dua mondmilito ĝi estis preskaŭ tute detruita dum la tielnomata batalo de Okinavo.

Klimato[redakti | redakti fonton]

**Averaĝaj temperaturoj en Naha (1971-2000) - taga mezumo**
Jan	Feb	Mar	Apr	Maj	Jun	Jul	Aŭg	Sep	Okt	Nov	Dec
16,6 °C	16,6 °C	18,6 °C	21,3 °C	23,8 °C	26,6 °C	28,5 °C	28,2 °C	27,2 °C	24,9 °C	21,7 °C	18,4 °C

Esperanto[redakti | redakti fonton]

La Japana Esperanto-Junularo origine planis okazigi en la jaro 2012 la 68-an Internacian Junularan Kongreson (IJK) de TEJO en Naha, kie ĝin gastigus la Nacia Okinava Centro por Junulara Amikeco. Pro malfacileco trovi taŭgan kongresejon, la kongresloko estis tamen poste translokita al Tenri, kaj fine en decembro de 2011 la organizantoj komplete rezignis pri la plano okazigi la 68-an IJK-n en Japanio.