Omo (mezurunuo)

Ĉi tiu artikolo temas pri mezurunuo. Por informoj pri aliaj signifoj de la trilitera kunmetaĵo, vidu la artikolon OMO.

Kelkaj rezistiloj. Iliaj rezistancoj, en omoj, estas markitaj per kolora kodo

La omo (simbolo: Ω, tio estas, la greka litero omego) estas la oficiala mezurunuo de elektra rezistanco laŭ la Sistemo Internacia de Unuoj. La omo estis tiel nomita honore al la germana fizikisto Georg Ohm.

Unu omo estas difinita kiel la rezistanco inter du punktoj de konduktilo, ĉe kiuj tensio de unu volto estigas kurenton de unu ampero (memkompreninde, sen ĉeesto de ajna elektromova forco).

La omo rilatas jene al la aliaj unuoj:

$\Omega ={\dfrac {\mbox{V}}{\mbox{A}}}={\dfrac {{\mbox{m}}^{2}\cdot {\mbox{kg}}}{{\mbox{s}}\cdot {\mbox{C}}^{2}}}={\dfrac {\mbox{J}}{{\mbox{s}}\cdot {\mbox{A}}^{2}}}={\dfrac {{\mbox{kg}}\cdot {\mbox{m}}^{2}}{{\mbox{s}}^{3}\cdot {\mbox{A}}^{2}}}={\dfrac {\mbox{HP}}{745.69\cdot {\mbox{A}}^{2}}}$

Dekoblaj kaj dekonaj unuoj

Dekoblaj kaj dekonaj unuoj de omo (Ω) laŭ la Internacia Sistemo

Dekonaj unuoj				Dekoblaj unuoj
Valoro	Simbolo	Nomo		Valoro	Simbolo	Nomo
10–1 Ω	dΩ	deciomo		101 Ω	daΩ	dekaomo
10–2 Ω	cΩ	centiomo		102 Ω	hΩ	hektoomo
10–3 Ω	mΩ	miliomo		103 Ω	kΩ	kiloomo
10–6 Ω	µΩ	mikroomo		106 Ω	MΩ	megaomo
10–9 Ω	nΩ	nanoomo		109 Ω	GΩ	gigaomo
10–12 Ω	pΩ	pikoomo		1012 Ω	TΩ	teraomo
10–15 Ω	fΩ	femtoomo		1015 Ω	PΩ	petaomo
10–18 Ω	aΩ	atoomo		1018 Ω	EΩ	eksaomo
10–21 Ω	zΩ	zeptoomo		1021 Ω	ZΩ	zetaomo
10–24 Ω	yΩ	joktoomo		1024 Ω	YΩ	jotaomo

La nomoj de dekoblaj kaj dekonaj mezurunuoj de omo deriveblas per la kutimaj prefiksoj de SI.

La plej ofte uzataj el ili, en la fako de elektroniko, estas miliomo, kiloomo kaj megaomo.

Vidu ankaŭ

• Rezistilo
• Volto
• Ampero