Franz Conrad von Hötzendorf

Franz Conrad von Hötzendorf
	; Hötzendorf, ĝis 1917 estro de la ĉefa stabo de Aŭstrio-Hungario
Persona informo
Naskiĝo	11-an de novembro 1852; en Penzing
Morto	25-an de aŭgusto 1925 (72-jaraĝa); en Bad Mergentheim
Tombo	tombejo Hietzing en Vieno
Lingvoj	germana
Ŝtataneco	Aŭstrio • Aŭstrio-Hungario
Alma mater	Tereza milita akademio • College of Philosophy of the Prague German University
Okupo
Okupo	aristokrato • pentristo • militisto • politikisto
	v • d • r

Franz Conrad von Hötzendorf (naskiĝinta la 11-an de novembro 1852 en Wien-Penzing, mortinta la 25-an de aŭgusto 1925 en Bad Mergentheim) estis aŭstria generalfeldmarŝalo kaj stabestro.

Vivo[redakti | redakti fonton]

Kiel oficiro de la ĉefa stabo li partoprenis en 1878 la okupadon de Bosnio kaj Hercegovino. En 1906 li iĝis, laŭ rekomendo de la tronheredanto Franz Ferdinand d'Este mem, estro de la ĉefa stabo. Tiun ĉi postenon li okupis - kun interrompeto en 1911/12 - ĝis 1917.

Tiam li energie laboris por la pligrandigo de la armeo kaj ege distingiĝis kiel favorantego de preventiva milito kontraŭ Serbio. Je la komenco de la Unua mondmilito, dum kiu li gvidis la kampanjojn de la armeo de Aŭstrio-Hungario, li sukcesis kune kun Paul von Hindenburg fari en 1914 stabilan fronton kontraŭ Ruslando. Sed malkonsentoj kun la germania ĉefa stabo sub Erich von Falkenhayn malsukcesigis planon fari ofensivon en Balkanio (1915).

Kiam kreitis komuna germana-aŭstria Suprema militestrantaro Hötzendorf povis atingi rajton je vetoado por la aŭstroj. Hötzendorf pli kaj pli malkonsentis ankaŭ kun la imperiestro Karolo la 1-a pri fundamentaj demandoj koncerne militfaradon. Estis la ununura celo de Hötzendorf savi la monarkian je ĉiuj kostoj. En marto 1917 li senditis malaltrangiĝonte al la batallinioj italaj. En la julio de 1918 li demisiis.