Sándor Fellner

Sándor Fellner
Persona informo
Naskiĝo	la 21-an de januaro 1857; en Pest (urbo) (Hungara reĝlando, Habsburga Imperio)
Morto	14-an de januaro 1945; en Erzsébetváros
Mortokialo	pneŭmonito
Ŝtataneco	Hungario
Alma mater	Teknika kaj Ekonomia Universitato de Budapeŝto • Akademio de Belartoj de Vieno • Nacia Altlernejo de Belartoj
Parencoj	Franz Fellner
Okupo
Okupo	arkitekto
	v • d • r

Sándor Fellner [ŝAndor felner], laŭ hungarlingve kutima nomordo Fellner Sándor estis hungara arkitekto, altlerneja instruisto. Lia nobela antaŭnomo estis toronyi [toronji] ekde 1905.

Sándor Fellner^[1] naskiĝis la 21-an de januaro 1857 en Pest (urbo) (Hungara reĝlando, Habsburga Imperio), li mortis la 14-an de januaro 1945 en Budapeŝto.

Biografio[redakti | redakti fonton]

Sándor Fellner devenis el juda familio. Li maturiĝis en sia naskiĝurbo, li studis en Reĝa Teknikuniversitato József, Akademio de Belartoj de Vieno (1873-1876) kaj en en:École des Beaux-Arts (1876-1879). Liaj plej gravaj instruistoj estis Theophilus Hansen en Vieno kaj Charles Garnier en Parizo, sed Fellner lernis ankaŭ pentroarton de Mihály Zichy. Hejmenveninta li establis propran atelieron kaj kreis planojn pri palacoj, kasteloj, vilaoj laŭ eklektikismo. Pro vidviĝo li edziĝis dufoje, lia unua edzino naskis filon en 1895, la dua same filojn en 1924 kaj 1925.