Vera Miles
| Vera Miles | |||||
|---|---|---|---|---|---|
| |||||
| Persona informo | |||||
| Vera Miles | |||||
| Naskiĝo | 23-an de aŭgusto 1929 (94-jaraĝa) en Boise City | ||||
| Lingvoj | angla vd | ||||
| Loĝloko | Wichita vd | ||||
| Ŝtataneco | Usono vd | ||||
| Alma mater | Wichita North High School vd | ||||
| Partio | Kalifornia Respublikana Partio vd | ||||
| Familio | |||||
| Edz(in)o | Gordon Scott • Keith Larsen vd | ||||
| Profesio | |||||
| Okupo | filmaktoro • televida aktoro • aktoro • partoprenanto de belec-konkurso vd | ||||
| Aktiva dum | 1951–1995 vd | ||||
| |||||
| vd | Fonto: Vikidatumoj | ||||
Vera June MILES (denaske Ralston, 23an de aŭgusto, 1929)[1][2] estas retiriĝinta usona aktorino kiu laboris kun Alfred Hitchcock, ĉefe kiel Lila Crane en la klasika filmo de 1960 nome Psycho, kaj reprene de la rolo en la pluigo de 1983 nome Psycho II. Aliaj filmoj en kiuj ŝi aperis estas Tarzan's Hidden Jungle (1955), The Searchers (1956), la filmo de Alfred Hitchcock nome The Wrong Man (1956), A Touch of Larceny (1959), The Man Who Shot Liberty Valance (1962), Follow Me, Boys! (1966), Sergeant Ryker (1968) kaj Molly and Lawless John (1972).
Kariero[redakti | redakti fonton]
La unua listigita filmapero de Miles estis en The Rose Bowl Story (1952), amafera komedio en kiu ŝi ludis rolon de reĝino en matĉo de "Tournament of Roses".
Kvankam subkontrakte kun Warner Bros., Miles estis dungita kun sia estonta edzo Gordon Scott por la filmo de 1955 nome Tarzan's Hidden Jungle kiel amcelo de Tarzan.[3] La venontan jaron, ŝi estis dungita de la reĝisoro John Ford kiel amcelo de Jeffrey Hunter en la vakera filmo de John Wayne nome The Searchers (1956),[4] kaj aperis en la filmoj Wichita, reĝisorita de Jacques Tourneur kaj en 23 Paces to Baker Street kun Van Johnson. Ankaŭ en 1956, Miles stelulis kiel Rose Balestero, febla edzino de Manny Balestero, muzikisto false akuzita pro krimo kaj ludita de Henry Fonda, en la filmo The Wrong Man. La filmo estis reĝisorita de Alfred Hitchcock, kaj estas unu el nur malmultaj filmoj de Hitchcock bazitaj sur realvivaj okazaĵoj.[5]
Subskribinte kvinjaran personan kontrakton kun Hitchcock en 1957,[3] Miles estis amplekse publikigita kiel ebla sukcedanto de Grace Kelly en la filmoj de la reĝisoro.[6] Du jarojn antaŭe, Hitchcock estis reĝisorinta Miles en la rolo de la emocie malforta fianĉino de Ralph Meeker en "Revenge", nome pilota epizodo de lia televida serio Alfred Hitchcock Presents.[7]
Vertigo (1958), projekto kiun Hitchcock planis kiel montrilo por sia nova stelulino, trafis produktorajn prokrastojn. La posta gravediĝo de Miles kostis al ŝi la ĉefan rolon kiu finfine iris al Kim Novak kun kiu Hitchcock kvereletis, kvankam Novak asertis en intervjuoj, ke ŝi ne havis problemon laborante kun Hitchcock en la filmo. Vertigo (en kiu stelulis ankaŭ James Stewart) ne estis financa aŭ kritika sukceso tiam, kaj Hitchcock plendis, ke Novak estis miselektita.[8] Spite la seniluziiĝon de Hitchcock pri Vertigo, li plue laboris kun Miles, finfine dungante ŝin en tio kio estas eble la rolo por kio ŝi estis plej memorita, tiu de Lila Crane, fratino de la viktimo, en Psycho.[9]
Entute ŝi aperis en pli ol kvardek filmoj, en preskaŭ 120 televidaj programoj aŭ serioj, inter kiuj Alfred Hitchcock Presents, Bonanza, Cannon, Columbo, Hawaii Five-O, Ironside, Mannix, The Fugitive, The Man from U.N.C.L.E. kaj The Virginian, inter aliaj.
Referencoj[redakti | redakti fonton]
- ↑ "MILES profile". Oklahoma Historical Society. Alirita la 5an de septembro, 2020.
- ↑ "Vera Miles profile". Kansas Historical Society. Alirita la 5an de septembro, 2020.
- ↑ 3,0 3,1 MacKenzie, Carina, "Vera Miles - Hollywood Star Walk", Los Angeles Times, 2010-06-29. Kontrolita 10a de marto 2018.
- ↑ Colonnese, Tom Grayson. (2004) The Searchers: Essays and Reflections on John Ford's Classic Western. Detroit, Michigan: Wayne State University Press, p. 167, 173. ISBN 0-8143-3056-8.
- ↑ Allen, Richard. (2007) Hitchcock's Romantic Irony 58. Nov-Jorko: Columbia University Press, p. 73. ISBN 978-0-231-13574-0.
- ↑ Charlotte Chandler, It's Only A Movie: Alfred Hitchcock, a Personal Biography, Simon & Schuster, 2005, p. 237; (ISBN 0-7432-4508-3)
- ↑ Harris, Robert A.. (2002) The Complete Films of Alfred Hitchcock. New York: Citadel Press Books. ISBN 0-8065-2427-8.
- ↑ Rothman, William. (2014) Must We Kill the Thing We Love?: Emersonian Perfectionism and the Films of Alfred Hitchcock. Nov-Jorko: Columbia University Press, p. 112. ISBN 978-0-231-16602-7.
- ↑ Leitch, Thomas. (2011) A Companion to Alfred Hitchcock. Chichester: Wiley-Blackwell. ISBN 978-1-4051-8538-7.