Tornos

Tornos
municipo en Hispanio
Administrado
Poŝtkodo	44230
En TTT	Oficiala retejo [+]
Demografio
Loĝantaro	191 (2023) [+]
Loĝdenso	4 loĝ./km²
Geografio
Geografia situo	40° 58′ N, 1° 26′ U (mapo)40.9622028-1.433256Koordinatoj: 40° 58′ N, 1° 26′ U (mapo) [+]
Alto	1 018 m [+]
Areo	48,952177 km² ( 489 5.2 177 ha) [+]
Horzono	UTC+01:00 [+]
	Tornos (Provinco Teruelo) Tornos
	Situo de Tornos
	Tornos (Hispanio) Tornos
	Situo de Tornos
Alia projekto
	Vikimedia Komunejo Tornos (Aragon) [+]
	v • d • r

Tornos [TORnos] estas vilaĝo kaj municipo de la provinco Teruelo (nordorienta Hispanio), nome en la nordokcidento de la nordokcidenta komarko Jiloca [ĥiLOka], kies komarka ĉefurbo estas Calamocha, lime kun la provinco Zaragozo. Parto de la municipa teritorio estas okupata de la Natura Rezervejo Lageto Gallocanta, je kies sudoriento estas la urba kerno.

Geografio[redakti | redakti fonton]

Ĝi estas je 86 km de Teruelo, provinca ĉefurbo, kaj nordokcidente de Calamocha kaj la akso de Calamocha al Teruelo. La urba kerno estas sur 1018 msm, pro kio estas tre malvarma klimato. Proksimaj loĝlokoj estas Castejón de Tornos kaj Berrueco.

Historio[redakti | redakti fonton]

La zono venis al posedo de kristanoj post la venko de Alfonso la 1-a la Batalema. Unua mencio estas de 1204. En 1248 ĝi sendependiĝis disde Daroca. Dum la Milito de Hispana Sendependiĝo la areo estas scenejo de bataloj. Dum la Hispana Enlanda Milito la frankisma flanko konstruis aerodromon kaj gastigis militistajn aviadilistojn en Tornos, cele al la Batalo de Teruelo.

Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Tornos kie oni malaltiĝis ĝis nunaj 200.

Aktualo[redakti | redakti fonton]

Bazo de ekonomio estis agrikulturo (cerealoj), kaj brutobredado. Nune rura turismo.

Estas altiraĵoj en la urbo, nome la preĝejo kaj la ermitejo, restaĵoj de kastelo, blazondomoj, kamparkrucoj kaj krucmonumentoj (peirones), piedirado tra proksimaj naturaj lokoj ĉefe al la Lageto Gallocanta ktp.