Ödemiş

Ödemiş
urbego ; urbeto ; komunumo ; distrikto de Turkio vd
Administrado
Ŝtato	Turkio
Provinco	provinco İzmir
Poŝtkodo	35750
En TTT	Oficiala retejo [+]
Demografio
Loĝantaro	132 511 (2018) [+]
Loĝdenso	130 loĝ./km²
Geografio
Geografia situo	38° 14′ N, 27° 58′ O (mapo)38.23111111111127.971944444444Koordinatoj: 38° 14′ N, 27° 58′ O (mapo) [+]
Alto	136 m [+]
Areo	1019 km² ( 101 900 ha) [+]
Horzono	TRT [+]
	Ödemiş (Turkio)
	Situo de Ödemiş
Alia projekto
	Vikimedia Komunejo Ödemiş [+]
	v • d • r

Ödemiş [odemiŝ] estas urbego kaj municipo en la Provinco İzmir en Turkio.

Demografio

En 2022 loĝantaro de Ödemiş estis 132 740. En 2013 ĝi abrupte atingis la internacian kvalifikon urbego (pli granda, ol cent mil), ĉar la vilaĝoj iĝis kvartaloj pro la urba leĝo ekde 2013.

Geografio

Ödemiş situas sur ebenaĵo 136 metrojn super la marnivelo kaj 113 km sudoriente de la urbo Izmir.

Historio

Ĉirkaŭ 4 km norde de Ödemiş troviĝas la ruinoj de Hypaepa. La historia graveco de la regiono ankaŭ speguliĝas en la urbeto Birgi, oriente de Ödemiş, kiu estis administra sidejo. Dum otomana regado okazis nenio menciinda.

Ekonomio

La ekonomio de Ödemiş baziĝas sur agrikulturo kaj 36% de la surfaca areo de la municipo estas agrikultura tero. Pli ol 21 mil familioj okupiĝas pri agrikulturo kaj perlaboras sian vivtenon tiel. La ĉefaj agrikulturaj produktoj estas terpomoj, figoj, olivoj, akvomelonoj, sezamoj, kaŝtanoj, tabakoj, vinberoj kaj legomoj. La municipo estas fama pro siaj terpomoj, eĉ la plej granda produktejo en Turkio kun sia ĉiujara produktado de 350 000 tunoj kun la plej bona kvalito. En la urbo ekzistas ankaŭ fabrikoj kaj entreprenoj pri konstrumaŝinaro, ŝtalfandado, elektroniko, laktaĵoj, plastoj, lignoproduktoj, olivoleo, ktp., kiuj povas esti taksitaj ene de la manufaktura industrio.