Ĉanakja

El Vikipedio, la libera enciklopedio
Saltu al: navigado, serĉo

Viŝnugupta Ĉanakja (sanskrite: चाणक्य Cāṇakya; naskiĝis ĉ. −350, mortis ĉ. −283) estis konsilanto kaj ĉefministro de la unua Maŭrja imperiestro Ĉandragupta (ĉ. 340–293 antaŭ la epoko).

Li estis hereza bramano, unu el la unuaj konataj politikuloj de Barato kaj pioniro en la fako de ekonomiko. Li estis profesoro en la universitato Takŝaŝila, kaj li grave partoprenis je la kreado de la Maŭria dinastio.

Oni supozas, ke li estis la vera origina aŭtoro de la verko Arthaŝastra, tradicie atribuita al Kaŭtilja kaj Viŝnugupta; supozeble Kaŭtilja vere estis Ĉanakja. Plia verko de Ĉanakja estas Nitiŝastra, kiu pri-/preskribas idealan vivmanieron; ĝi estas informriĉa fonto pri la tiutempa kulturo.

Tio, kion oni diras pri li[redakti | redakti fonton]

Oni trovas priskribon de Ĉanakja en la libro de Jawaharlal Nehru, La malkovro de Barato: "Ĉanakja estas nomita la Barata Makiavelo" kaj, iasense, tiu komparo estas prava.