Ĉefministro de Gronlando
| Ĉefministro de Gronlando | ||
|---|---|---|
| Naalakkersuisut siulittaasuat | ||
| ||
| ||
| Jens-Frederik Nielsen | ||
publika posteno 
| ||
| ĉefministro | ||
| Komenco | 1-a de majo 1979 vd | |
| Lando(j) | Gronlando vd | |
| Retejo | Oficiala retejo | |
La Ĉefministro de Gronlando (gronlande Naalakkersuisut siulittaasuat, dane Landsstyreformand) estas la estro de la Aŭtonomia Registaro de Gronlando, konsistiga nacio de la Reĝlando Danio. Alivorte temas pri posteno de estro de registaro kaj plenuma aŭtoritato en Gronlando, aŭtonoma teritorio de Danio, administrante la internajn aferojn de la insulo samtempe efektivigante eksteran, financan kaj defendpolitikon por la metropolo. [1]
La posteno estis establita post kiam aŭtonomio estis donita en 1979; la unua ĉefministro estis Jonathan Motzfeldt, kiu tenis la postenon ĝis 1991. En 2008, la povoj de la gronlanda registaro estis plivastigitaj.
Li aŭ ŝi estas kutime la gvidanto de la politika partio aŭ koalicio, kiu tenas la plimulton de la sidlokoj en la Parlamento de Gronlando, kaj estas aprobita per plimulta voĉdono en ĉi tiu organo.
Rilatoj kun la dana registaro
[redakti | redakti fonton]La Krono kaj la dana registaro estas reprezentitaj de la Alta Komisaro. La Registaro de Gronlando sciigas la Altan Komisaron pri ĉiuj statutoj kaj regularoj adoptitaj de la Parlamento de Gronlando (Inatsisartut) kaj ajna alia ĝenerala leĝaro evoluigita de la Registaro de Gronlando. Krome, la Registaro de Gronlando povas peti la Altan Komisaron partopreni en intertraktadoj ene de la gronlandaj institucioj.
Nuntempe, povoj pri eksterlandaj aferoj, sekureco kaj financa politiko restas ĉe Danio. Tamen, laŭ la Leĝo pri Aŭtonomeca Registaro, iuj aferoj povas esti deciditaj per kunlaboro inter la Aŭtonoma Registaro kaj la Parlamento. Ĉi tiuj aferoj inkluzivas, interalie: eksterlandan kaj defendpolitikon, policon kaj tribunalojn, kaj valuton.
Ĉefministroj
[redakti | redakti fonton]| Oficperiodo | Nomo | Partio | Profesio |
|---|---|---|---|
| 1979 - 1991 | Jonathan Motzfeldt | Siumut | Pastro |
| 1991 - 1997 | Lars-Emil Johansen | Siumut | Instruisto |
| 1997 - 2002 | Jonathan Motzfeldt | Siumut | Pastro |
| 2002 - 2009 | Hans Enoksen | Siumut | Komercisto |
| 2009 - 2013 | Kuupik Kleist | Inuit Ataqatigiit | Politikisto |
| 2013 - 2014 | Aleqa Hammond | Siumut | Politikisto |
| 2014 - 2021 | Kim Kielsen | Siumut | Policisto |
| 2021 - 2025 | Múte Bourup Egede | Inuit Ataqatigiit | Politikisto |
| 2025 - | Jens-Frederik Nielsen | Demokraatit | Politikisto kaj badmintonisto |
Referencoj
[redakti | redakti fonton]- ↑ Members of the Cabinet Arkivigite je 2013-01-26 per la retarkivo Wayback Machine Government of Greenland