Ĉiĉibu
| Ĉiĉibu • 秩父市 | |||||
|---|---|---|---|---|---|
 | |||||
| urbo de Japanio dua-nivela administra teritoria unuo  vd | |||||
|
| |||||
| Flago | |||||
| Administrado | |||||
| Insulo | Honŝuo | ||||
| Regiono | Kantō | ||||
| Gubernio | Sajtama | ||||
| |||||
| En TTT | Oficiala retejo [+] | ||||
| Demografio | |||||
| Loĝantaro | 64 687 (2014) [+] | ||||
| Loĝdenso | 112 loĝ./km² | ||||
| Geografio | |||||
| Geografia situo | 35° 58′ N, 138° 56′ O (mapo)35.959722222222138.93333333333Koordinatoj: 35° 58′ N, 138° 56′ O (mapo) [+] | ||||
| Areo | 577,83 km² (57 783 ha) [+] | ||||
| Horzono | UTC+09:00 | ||||
 | |||||
| |||||
|
| |||||
| Alia projekto | |||||
 Vikimedia Komunejo Chichibu, Saitama [+] | |||||
La urbo Ĉiĉibu - japane 秩父市, Ĉiĉibu-ŝi aŭ per la angleca transliterigo Hepburn Chichibu-shi, nomo en kanao ちちぶし - apartenas al la gubernio Sajtama de Japanio. Ĝi troveblas en la regiono Kantō (japane 関東地方, Kantō-ĉihō) kaj en la centra orienta parto de la insulo Honŝuo. Kiel la tuta gubernio ĝi apartenas al la Grandtokia Areo.
Laŭ la stato de 2014 en la urbo vivis 64 687 loĝantoj sur areo de 577,83 kvadrataj kilometroj, kio rezultigas loĝdenson de 112 loĝantoj/km². La teritorio havas komunan limon kun Higaŝiĉiĉibu, Yokoze, Minano, Ogano, Kamikawa, Tokigaŭa, Hannō, Okutama, Koŝu, Yamanashi, Tabayama, Kawakami, Fuĵioka, Kanna kaj Ueno.
Granda parto de la urbo apartenas al Nacia Parko. Ĉar la regiono ne taŭgas por kultivado de rizo, multaj homoj tradicie dependis de silkokultivado. Kalkŝtono de Monto Bukō, kiu leviĝas sude de la urbocentro, estas alia grava fonto de enspezo por la urbo. Dum la lastaj jardekoj la regiono pli kaj pli profitas sian riĉan naturan medion kaj relativan proksimecon al la ĉefurba areo, kaj ofertas servojn por urbeganoj kiuj alvenas por mallongaj ferioj. Pluraj bierfarejoj ankaŭ estas famaj.
Tamen en la Vikipedio en Esperanto la urbo aparte ofte menciiĝas en artikoloj pro la proksima astronomia observatorio, en kiu unuafoje dokumentiĝis tuta fasko da asteroidoj kaj aliaj kosmaj strukturoj. Inter ili estas unu asteroido, 6991 Chichibu, kiu aparte honorigas la urbon.
