Ŝerif Ismail

El Vikipedio, la libera enciklopedio
Saltu al: navigado, serĉo
Coat of arms of Egypt (Official).svg

Ŝerif Ismail Mohamed (arabe شريف إسماعيل, prononcata [ʃɪˈɾiːf esmæˈʕiːl], naskiĝinta la 6-an de julio 1955) estas egipta inĝeniero kiu estas la nuna ĉefministro de Egiptio, nomumita la 19-an de septembro 2015. Antaŭ tio li funkciis kiel la ministro de petrolo kaj mineralresursoj inter la 16-a de julio 2013 kaj la 12-a de septembro 2015.

Kariero[redakti | redakti fonton]

Ŝerif Ismail studis mekanikan inĝenieradon ĉe la Universitato Ain Ŝams de Kairo kaj diplomiĝis en 1978. Li tenis manaĝerajn oficojn ĉe ŝtataj petrolkemiaj kaj tergasaj firmaoj. Li funkciis kiel administra vicprezidanto kaj poste prezidanto de la egipta holdingo por petrolkemiaĵoj (ECHEM), kiu estis establita en 2002. Poste li estis nomita prezidanto de la egipta tergasa holdingo (Egas).

Sekve li laboris kiel la administra direktoro de la ŝtata petrola holdingo Ganoub El Wadi (GANOPE), kaj iĝis prezidanto de la firmao. Li estis nomumita ministro de petrolo kaj mineralresursoj la 16-an de julio 2013 al la provizora registaro gvidita fare de Hazem Al Beblawi, anstataŭante Ŝerif Hassan Haddara en la ofico.