7-a de julio

julio 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

La 7-a de julio estas la 188-a tago de la jaro (la 189-a en superjaroj) laŭ la Gregoria kalendaro. 177 tagoj restas.

Je la 7-a de julio okazis, interalie:

Eventoj[redakti | redakti fonton]

1124: Libano: Tiro estis konkerita de krucmilitistoj
1136: Papo Inocento la 2-a eldonis Buleon de Gniezno, foriganta metropolitan dependecon de la Ĉefdiocezo de Gniezno de la Magdeburga Ĉefdiocezo - en la latina teksto estis enplektitaj multe da polaj vortoj
Britio
- 1307: Eduardo la 2-a iĝis reĝo de Anglio el dinastio Plantaĝenetoj
- 1329: Davido la 2-a iĝis reĝo de Skotlando, kies kuzo fondis skotan dinastion de Stuartoj
1438: Reĝo de Francio Karlo la 7-a proklamis pragmatan sankcion
1455: Dek-membra regenta registaro estis nomumita en Moravio por la periodo de du jaroj
1456: Johana de Arko estis postmorte senkulpigita pri riproĉo de herezo
1534: Unua dokumentita komerca interŝanĝo inter eŭropanoj kaj loĝantoj de Golfo Sankt-Laŭrenco en Nordameriko
1543: Franca armeo invadis Luksemburgon
1572: En Knyszyn mortis senide reĝo de Pollando kaj grandduko de Litovio Sigismondo la 2-a - formorto de la vira pola branĉo de Jagelona dinastio (ekde 1386), kaj la dinastio Gediminidoj finiĝis (ekde 1316)
1650: Sveda armeo forlasis urbojn de Moravio
1770: Malvenko de turka ŝiparo en marbatalo apud Çeşme kadre de la 5-a rusa-turka milito
1798: Usona Kongreso malvalidigis ĉiujn traktatojn kun la Unua Respubliko de Francio - komenciĝis kvazaŭ-milito dum kiu ambaŭ flankoj evitis formalan militdeklaron
1807: Paco de Tilsit: dum la militoj de Napoleon Bonaparte la Franca Imperio kaj la Rusia Imperio pactraktatis kun Reĝlando Prusio en Tilsit — duonsuverena ŝtateto Varsovia Dukejo kreiĝis el teritorioj de la 2-a kaj 3-a dispartigoj de Pollando
1838: Egiptaj soldatoj subpremis tritagan kontraŭjudan tumulton en Safed okazigitan de druzoj kaj islamaj kamparanoj
1840: Laŭ ordono de imperiestro Nikolao la 1-a la Statutoj de Litovio estis nuligitaj kaj la rusiaj leĝoj enkondukitaj en Litovio
1841: Pola studento kaj porsendependa aganto Karol Levittoux sinbruliĝis en malliberejo de Varsovia Citadelo
1856: Usona enlanda milito: oni pendumis 4 komplotintojn lige al la murdo de usona prezidento Abraham Lincoln
1881: Romo: fabelo pri Pinokjo aperis en porinfana gazeto
1893: Kalendaro: Miroslav Krleža, kroata verkisto naskiĝis — samdate (sed 12 tagojn pli poste, laŭ valida en la Rusia imperio julia kalendaro) naskiĝis rusa, sovetia poeto Vladimir Majakovskij
1898: Usono aneksis pacifikan insularon Havajo, la dokumenton subskribis prezidento William McKinley
1907: Usona impresario Florenz Ziegfeld enscenigis la unuan de siaj Ziegfeld Follies
1911: Norda Pacifiko: kvar landoj subskribis konvencion, kiu malpermesis subĉielan ĉasadon kontraŭ ordinarajn fokojn
Unua Mondmilito
- 1915: Unua batalo de Isonzo finiĝis
1919: Ĉeĥoslovaka armeo likvidis Slovakan sovetan respublikon — la registaro de Karel Kramář eksiĝis, la sekvan tagon, prezidanto Masaryk nomumis novan registaron gvidatan de socialdemokrato Vlastimil Tusar
1920: Soveta-Pola Milito: polaj episkopoj sendis leteron Al episkopoj de la mondo, en kiu ili konsciigis pri minaco por Eŭropo, se Pollando cedus al bolŝevismo
1926: Rumana reĝlando: rumana registaro deklaris sieĝostaton en Suda Dobruĝo dislokigante regulan armeon en la regiono
1930: Konstruado de la digo Boulder komencita - nun la Akvobaraĵo Hoover
1937: Incidento sur ponto de Marko Polo (apud Pekino kaj Tjanĝino) kaŭzis eksplodon de la dua japana-ĉina milito
1937: Mandata Palestino: raporto de Peel-komisiono rekomendis disdividi Palestinon
1938: En Sovetunio aperis unua televida programo
1939: Sur aneksita Karpata Rutenio oni enkondukis hungaran civilan administradon
Dua Mondmilito
- 1940: Germana okupado de Pollando: unua numero de pollingva "Prawda Wileńska" (Vilna Vero) aperis; en Varsovio oni sciigis, ke de oriento per trajnoj alvenis tra Przemyśl, Hrubieszów kaj Terespol 66,6 mil rifuĝintoj, el kiuj 14 mil personoj iris al mallibero aŭ trudlaboro en Tria Regno; nokte soveta aviado de malproksima atingo atakis per 129 bombaviadiloj 14 nodajn aerodromojn
- 1941: Holokaŭsto: en Radziłów en Podlaĥio germana Einsatzgruppen murdis lokan judan loĝantaron - ĉirkaŭ 800 personoj pereis, el kio ĉirkaŭ 500 oni vivbruligis; en Skałata, proksime al Tarnopol, lokaj ukrainoj okazigis pogromon de 560 judoj; 16-a tago de fulmomilita germana invado al Sovetunio: Orienta Fronto: apud Barenca maro la soveta 14-a Armeo haltigis atakon de germanaj trupoj al Murmansko; en Finna Laponio germanaj-finnaj trupoj konkeris Salla; en Belorusa SSR germanoj transiris Daŭgavon (Vicebska regiono); en Ukrainio germana 1-a Kirasita Grupiĝo ekregis Berdyczów (nun en Ĵitomira provinco); en Besarabio la soveta 9-a Armeo sensukcese kontraŭatakis al germanaj-rumanaj trupoj; nokte de la 7-a/8-a de julio soveta aviado de fora atingo atakis 14 nodajn aerodromojn per 129 bombaviadiloj, matene aviado de Norda, Nord-Okcidenta, Okcidenta kaj Suda atakis 28 aerodromojn; usona armeo alteriĝis sur Islando antaŭ atendata invado fare de Germanio anstataŭante britan okupadon de la insulo; en Universitato Kolumbio komenciĝis Monato de Pola Libro, kun anoncitaj honoraj gastoj Józef Wittlin, Julian Tuwim, Kazimierz Wierzyński kaj Antoni Cwojdziński; Bejruto estis okupita de Libera Francio kaj britaj taĉmentoj; Afganio: reĝo Mohammed Zahir Ŝaho deklaris en parlamento, ke la lando estos strikte neŭtrala
- 1942: Operaco Reinhardt: Gestapo kaj germana ĝendarmaro pafmortigis en Krempna ĉirkaŭ 1260 judojn alveturigitajn de geto en Żmigrod Nowy (proksime al Jasło); germana submarŝipo U-701 detruis Kabon Hatteras; Ruĝa Armeo disdividis Brjanskan Fronton al la Brjanska kaj Voroneĵa
- 1943: Germanoj ekstermis vilaĝon Ŝauliĉe (proksime al Vaŭkavisk) murdante 336 personojn, en tio 120 infanojn; taĉmento de EA batalis kontraŭ germanoj apud Ćmielów (distrikto Ostrowiec) - pereis 37 partizanoj; Delegito de Pola Registaro en Ekzilo decidis pri tutpollanda funebro ĝis la 1-an de aŭgusto, lige al morto de generalo Władysław Sikorski; Orienta Fronto: germana 9-a Armeo eniris al Kurska provinco - pezaj bataloj
- 1944: Operaco "Ostra Brama": taĉmentoj de Pola Enlanda Armeo ekbatalis pri Vilno kune kun la Ruĝa Armeo, ne malpli ol 550 polaj soldatoj mortfalis, litovoj, kiuj dum la milito kunlaboris kun la germanoj, ne batalis - post la venko la 13-an de julio estis senarmigitaj kaj internigitaj fare de NKVD kaj la oficiroj arestitaj kaj senditaj al puntendaroj; taĉmento de EA estis ĉirkaŭigita dum polica traserĉo apud Opatów - 32 partizanoj pereis; 6-a kaj 12-a brigadoj de Vilna EA senarmigis 120 soldatojn de Wehrmacht konvojanta 3 mil sovetajn, italajn kaj jugoslaviajn militkaptitojn el Stalag 352 en Minsko; usona 8-a Aviada Armeo atakis Leipzig; Bomba Korpuso de RAF atakis germanajn pozicion en Caen-regiono (2300 tunoj da bomboj); Orienta Fronto: trupoj de la 1-a Belorusa Fronto okupis Święciany; de 3-a BF - Oszmiana kaj Ostrowiec en Grodna regiono, de 1-a BF - Stolin (Bresta regiono); Pacifika Fronto: granda sturmo de Japana imperia armeo en la batalo de Saipano - ĉ. 3 mil restantaj ĉe la vivo japanaj soldatoj ekmoviĝis al memmortiga atako kontraŭ usonaj pozicioj
1945: Dua soveta okupado de Pollando: Supera Komandanto de la Pola Soldataro marŝalo Michał Rola-Żymierski ordonis krei gvidantaron de mararmeo en Gdynia; registaro de Kanado agnoskis la Provizoran Registaron de Nacia Unueco; en Moskvo estis subskribita komerca pakto inter Pollando kaj Sovetunio; subskribo de ekonomia interkonsento kun Rumanio
1945: Zono de postmilita Germanio okupita de Francio: usonaj regopovoj transdonis Sarlandon sub francan administradon; Nikaragvo: kongreso agnoskis Ĉarton de la Unuiĝintaj Nacioj; registaro de Norvegio deklaris pri milita stato kun Japanio ekde la 7-a de decembro 1941
1946: Francesca Saverio Cabrini iĝis unua usona sanktulino
1957: Pelé debutis en la Brazila nacia teamo de futbalo
1961: Poezia volumo de Raymond Queneau Centmil miliardoj da poemoj aperis kiel kombinatorika poezio
1963: Sekreta polico de la frato kaj ĉefa politika konsilanto de sudvjetnama prezidanto Ngô Đình Diệm, atakis grupon de usonaj ĵurnalistoj, kiuj ĉeestis proteston dum la budhana krizo
1967: Niĝerio atakis ribelintan provincon Biafro
1969: En Kanado la franca lingvo oficialiĝis egalrajte al la angla
1977: En Usono estis testita nuklea armilo kun pligrandigita radiado, la neŭtronbombo
1978: Pacifika insularo Salomonoj sendependiĝis de Britio
1981: Unuafoje en la historio, Ronald Reagan nomumis virinon Sandra Day O'Connor al la Supera Kortumo de Usono
1983: Malvarma milito: Samantha Smith alvenis al Moskvo
1985: Okaze de la 1100-jariĝo de la morto de Sankta Metodo, granda amaso de kredantoj kolektiĝis en Velehrad - la ĉefepiskopo de Prago František Tomášek ankaŭ invitis estron de la katolika eklezio, la papon Johano Paŭlo la 2-a, al la festo al Cirilo kaj Metodo, sed la ĉeĥoslovakaj aŭtoritatoj malpermesis la viziton
1987: En Ĉernobilo komenciĝis proceso kontraŭ tri gvidantoj de la nuklea centralo de Ĉernobilo, kiuj estis akuzitaj pri ĝia eksplodo la jaron antaŭe
1989: Ukrainio: en Simferopolo aperis gazeto en la krime-tatara lingvo
1991: Jugoslavaj Militoj: per interkonsento finiĝis la 10-taga milito pri sendependeco de Slovenio kontraŭ Socialisma federacia respubliko Jugoslavio
1997: Maldekstra alfluanto al Odro inundis Kłodzkon komencante inundon de la jarmilo
2003: NASA lanĉis sur Marson la roboton Opportunity
2005: Teroristaj atakoj de Londono: 56 homoj pereis kaj pli ol 700 vundiĝis en la Londona metroo
2007: Benedikto la 16-a eldonis proprainiciate Summorum Pontificum pri la Trenta meso
2007: Serio da monkolektaj koncertoj de la rok-muziko kaj pop-muziko en ĉiuj kontinentoj - Live Earth
2007: En Lisbono estis anoncitaj novaj sep mirindaĵoj de la mondo
2009: Solena enteriga ceremonio de Michael Jackson okazis en Los-Anĝeleso
2009: Benedikto la 16-a eldonis trian enciklikon Caritas in veritate
2012: 172 personoj pereis rezulte de fulmrapida inundo en Krasnodara regiono apud la Nigra Maro en Rusio
2016: Dum manifestacio kontraŭ brutaleco de polico en Dallas (Teksaso) nigrahaŭta kaŝpafisto Micah Xavier Johnson pafmortigis 5 blankajn policanojn, 9 vundis kaj 2 civilulojn - sekvan tagon estis mortigita helpe de telestiraviadilo kun bombo, kiam li rifuzis forlasi sian kaŝejon
2017: Khaltmaagiin Battulga gajnis prezidentan voĉdonadon en Mongolio
2022: Invado de Rusio en Ukrainion:
- 134-a tago de la rusa agreso: Pasinttage en Donecka provinco estis 16 atakoj; loĝantoj de okupata Kreminna estas perforte enkorpigataj al Rusa armeo kaj sendataj al fronto, surstrate okazas ekzekutoj; preskaŭ 30 rusiaj soldatoj dizertis el Zaporiĵa provinco pro timo antaŭ ukrainaj atakoj el usonaj elpafiloj HIMARS — lige al ilia fuĝo alvenis funkciuloj de FSB; en Perejaslav estis detruita soveta monumento de 300-a datreveno de unuiĝo de Ukrainio kun Rusio; ĉirkaŭ mil volontulinoj anoncis sin al Ukraina armeo; de la 28-a de junio ukrainoj detruis 16 bazojn, kazernojn kaj magazenojn de malamiko; de la invadkomenco Rusio elpafis al celoj en Ukrainio 626 raketojn Iskander kaj Kalibr; belorusa soldato pereis apud Lisiĉansk du estas en mallibero, sorto de tri ne estas konata
- Ambasado de Ukrainio en Israelo dankis pro transporto de 9 tunoj de medicina helpo por Ĥarkivo; prezidentoj de Pollando kaj Litovio kune kun defendministroj renkontiĝis sur Suwałki-istmo, kiu ligas Pollandon kun Litovio kaj dislimigas Kaliningradan provincon de Belorusio, subigitan al Rusio — pro kreskanta internacia premo al Litovio krei eksteritorian koridoron post ekfunkciigo de la kvara fasko da sankcioj; Olena Zelenska sur titolpaĝo de semajnrevuo "Time"; rusa oligarĥo iĝis civitano de Unuiĝintaj Arabaj Emirlandoj, kie translokiĝis kun la familio; Moskva akuzisto postulas punon de 7 jaroj da mallibero por urba konsilisto, akuzita pri kritiko de la armea interveno; ĉefrabeno de Moskvo kondamnis la rusan agreson kaj forlasis Rusion, ankaŭ organizis monkolekton por ukrainaj rifuĝintoj
- 2023: Nokte rusoj sendis 18 senpilotajn aviadilojn-kamikazoj kontraŭ celoj en Ukrainio, 12 estis paffaligitaj de aerdefendo, 3 personoj mortigitaj en Donbaso; pola ĉefministro Mateusz Morawiecki vizitis en Ukrainio neekzistantan vilaĝon Ostrówki, omaĝinte polajn viktimojn de la Volinia masakro farita de ukrainaj naciistoj — entute dum la germana kaj soveta okupadoj pereis ne malpli ol 100 000 poloj; en Lvovo komenciĝis dutaga funebro, nombro de mortintoj post rusa pripafo kreskis ĝis 10, inkluzive de poldevenaj patrino kaj filino; rezulte de rusa pripafo en Ĥarkiva provinco estis detruita lernejo; apud Baĥmut ukraina armeo ŝoviĝis unu kilometron; en Irpin estis rekonstruita, detruita de rusoj, la plej alta turdomo, al siaj loĝejoj en 18-etaĝa konstruaĵo povas reveni 1 000 loĝantoj; svedaj veturiloj de infanterio atingis Ukrainion — februare estis anoncitaj 50 Strf 90
- Mondreago: Dum gazetaraj konferencoj de prezidanto de Ukrainio, en Ĉeĥio ĉefministro Petr Fiala informis pri transdono al Ukrainio de helikopteroj kaj municio, kun eduko de pilotojn de F-16, kaj en Slovakio Zuzana Čaputová informis pri transdono de 16 memmovaj kanonhaŭbizoj — prezidento Zelenskij estas preta aĉeti de Slovakio kaj komune produkti aparataron por malminigo; Kievo ricevis de Varsovio laŭvicajn 6 vagonojn de metroo (sume jam 18); Germanio transonis i.a. laŭvican tankan ponton, sapeistan veturilon kaj aparataron por kontraŭbatali senpilotajn aviadilojn; duono de entreprenoj en Rusio spertas malsufiĉon de laboristoj; en fabriko de rusa urbo Ĉapajevsk okazis eksplodo - 6 personoj pereis, 2 estis vunditaj; germana spionagentejo BND subaŭskultis interparolojn de Prigoĵin kaj Lukaŝenka; Usono transdonos al Ukrainio grapolbombojn kiel provizoran kompletigon de provizaĵoj, laŭ Joe Biden ĝis kiam usonanoj ne rekreos municion de 155 mm

Esperantujo[redakti | redakti fonton]

1977: PSEK: Studenta Orientalisma Esperanto-Rondo fondiĝis en Lublin (Pollando); ties sciencaj prizorgantoj estis sinsekve religiosciencisto Tadeusz Margul kaj filozofo Gerard Głuchowski

Naskiĝoj[redakti | redakti fonton]

1207: Elizabeto de Hungario, hungara reĝidino el dinastio Arpado, katolika sanktulino (m. 1231)
1540: Johano la 2-a, reĝo de Hungario, reganto de Transsilvanio (m. 1571)
1746: Giuseppe Piazzi, itala astronomo kaj matematikisto, monaĥo (m. 1826)
1764: Karl Heinrich von Lang, germana juristo, historiisto kaj verkisto (m. 1835)
1807: Elek Fényes, hungara statistikisto, verkisto, membro de Hungara Scienca Akademio (m. 1876)
1819: László Kőváry, hungara verkisto, historiisto, statistikisto (m. 1907)
1827: Julius Schnauß, germana fotisto, ĥemiisto kaj eldonisto (m. 1895)
1834: József Angster, hungara orgenkonstruisto, ankaŭ harmoniumokonstruisto (m. 1918)
1843: Camillo Golgi, itala Nobelpremiita fiziologo, konata de la Golĝi-aparato (m. 1926)
1848: Francisco de Paula Rodrigues Alves, prezidento de Brazilo (m. 1919)
1851: Charles Albert Tindley, usona metodista pastoro, komponisto de gospela muziko (m. 1933)
1855: Ludwig Ganghofer, germana verkisto (m. 1920)
1855: Artur Azevedo, brazila verkisto, aŭtoro de teatra komedio Amo per proverboj (m. 1908)
1860: Gustav Mahler, aŭstra komponisto kaj dirigento, reformisto de la muzikteatro (m. 1911)
1874: Władysław Grabski, pola ekonomikisto, historiisto, ĉefministro, aŭtoro de valuta reformo, rektoro de Bien-Ĉeflernejo en Varsovio (m. 1938)
1882: Janka Kupala, belorusa verkisto, poeto, dramisto, nacia aganto, kunkreinto de la lingvo de belorusa literaturo (m. 1942)
1884: Lion Feuchtwanger, germana dramverkisto (m. 1958)
1885: Nándor Koch, hungara geografo kaj geologo (m. 1961)
1887: Marc Chagall, rusia kaj franca pentristo kaj grafikisto, reprezentanto de kubismo kaj de internaciismo (m. 1985)
1890: Rezső Manninger, hungara bestkuracisto, pedagogo, membro de Hungara Scienca Akademio (m. 1970)
1893: Miroslav Krleža, kroata verkisto, poeto, enciklopediisto, leksikografo, esperantigata de Zlatko Tišljar (m. 1981)
1894: Dénes Mihály, hungara inĝeniero kaj inventisto pri televizio kaj sonfilmo (m. 1953)
1897: Sebastia Alberich i Jofre, kataluna agento pri transporto, prezidanto de Kataluna Esperantista Federacio, sekretario de Floraj Ludoj, aŭtoro de multaj tradukoj kaj recenzoj por "Kataluna Esperantisto", membro de Lingva Komitato, enestanta en Kataluna Antologio (m. 1967)
1897: Béla Szász, hungara historiisto kaj politikisto, gvidanto de Mezeŭropa Esplora Instituto (m. 1976)
1899: George Cukor, usona filmoreĝisoro (m. 1983)
1901: Vittorio De Sica, itala reĝisoro kaj aktoro (m. 1974)
1906: Charles Vaurie, usona ornitologo (m. 1975)
1907: Oleh Olĵiĉ, ukraina poeto kaj arkeologo, membro de la Organizaĵo de Ukrainaj Naciistoj, esperantigata de Kris Long, murdita (m. 1944)
1907: Robert A. Heinlein, usona verkisto de sciencfikcio (m. 1988)
1909: Alfréd Erőss, hungara romkatolika episkopo, eklezia verkisto (m. 1950)
1916: Tiny Grimes, usona ĵaza kaj ritmenblusa gitaristo kaj kantisto (m. 1989)
1922: Dionis Tanasoglu, gagauza verkisto kaj filologo (m. 2006)
1926: Nándor Balázs, hungara-usona skermisto kaj fizikisto kunlaboranta kun Albert Einstein en Princeton (m. 2003)
1927: Mihály Kosztarab, hungara entomologo, biologo, profesoro, membro de Hungara Scienca Akademio
1928: Imre Bogdán, rumania hungara agronomo publikiganta en "Popolo de Vilaĝoj"
1929: Ilona Jakab, rumania hungara pentristino (m. 1990)
1932: Joe Zawinul, aŭstra ĵazisto kaj sintezatoristo (m. 2007)
1940: Jetsun Pema, tibeta politikistino, socia kaj sporta aktivulino
1940: Ringo Starr, angla komponisto, kantisto, drumisto, membro de la muzikgrupo The Beatles
1941: János Péntek rumania hungara lingvisto, etnologo, universitata profesoro
1943: Ziemowit Jacek Pietraś, pola juristo, politologo, ĉinologo, scienca konsilanto de la Instituto de Mez-Orienta Eŭropo, profesoro de Universitato Maria Curie-Skłodowska en Lublin (m. 2004)
1944: Ernő Macalik, rumania hungara biologo okupiĝanta pri kuracplantoj
1945: Manuel Chaves González, hispana politikisto, prezidanto de Hispana Socialista Partio kaj de Andaluzio
1945: Helô Pinheiro, brazila fotomodelino kaj entreprenistino, konata de la kanto La knabino de Ipanema
1946: Peter Motzan, rumania literaturkritikisto
1947: Gjanendra, lasta reĝo de Nepalo, ligita kun la masakro de la nepala reĝfamilio
1949: Shelley Duvall, usona komikistino, produktoro, verkistino kaj kantistino
1949: Mikaelo Bronŝtejn, sovetia, rusia inĝeniero, prezidanto de Sovetia Esperantista Junulara Movado kaj aŭtoro de la Legendoj pri SEJM kaj de kelkcent poemoj kaj kantoj, verkis kaj tradukis 23 librojn, muzikisto, laŭreato de literatura premio "Antoni Grabowski"
1950: Yuji Hyakutake, japana amatora astronomo, malkovrinto de 2 kometoj, unu per binoklo
1964: Mihály András, rumania hungara dancisto, koreografo
1971: Kinga Kali, hungara verkistino, antropologino, armenologino
1976: Andrea Virginás, rumania hungara estetikistino, kritikistino
1976: Bérénice Bejo, franca-argentina aktorino
1977: Stefano Bottoni, itala historiisto pri Orienta Eŭropo
1978: Réka Lászlóffy, rumania hungara pianistino, instruistino
1982: Julien Doré, franca kantisto, parenco de Gustave Doré
1984: Oleksij Honĉaruk, ukraina juristo kaj politikisto, ĉefministro

Mortoj[redakti | redakti fonton]

574: Johano la 3-a, papo, tradukinto de la verko de Pelagio la 1-a (n. nekonata)
907: Arpado, hungara princo, unua ŝtatestro de la hungara ŝtato en Karpata baseno, nomita laŭ la Arpad-dinastio (n. ĉirkaŭ 845)
1304: Benedikto la 11-a, papo, dominikano, beatigita (n. 1240)
1307: Eduardo la 1-a, reĝo de Anglio el dinastio Plantaĝenetoj (n. 1239)
1531: Tilman Riemenschneider, germana skulptisto gotik-renesanca (n. 1460)
1572: Sigismondo la 2-a (Pollando-Litovio), reĝo de Pollando, grandduko de Litovio, la lasta el la reĝa dinastio de Jagelonoj kreinta la Respublikon de Ambaŭ Nacioj dum la Lublina unio (n. 1520)
1573: Jacopo Vignola, itala arkitekto kaj teoriulo de la Itala Renesanco (n. 1507)
1592: Demeter Hunyadi, dua episkopo de unitariisma eklezio de Transilvanio (n. nekonata)
1633: Lev Sapieha, granda kanceliero de Grandprinclando Litovio (n. 1557)
1720: Maria Barbara Bach, unua edzino de Johann Sebastian Bach (n. 1684)
1828: August Hermann Niemeyer, germana teologo, luterana poeto, vojaĝverkisto (n. 1754)
1849: Goffredo Mameli, itala patrioto, poeto, verkisto, aŭtoro de la nacia itala himno La kanto de la italoj (n. 1827)
1866: Adolph Diesterweg, germana pedagogo kampanjinta por sekularigado de lernejoj (n. 1790)
1879: Béla Wenckheim, hungara barono, ĉefministro de Hungario (n. 1811)
1885: Christoph Theodor Aeby, svisa antropologo germanlingva (n. 1835)
1887: Karl Vent, germana arĥitekto (n. 1842)
1890: Henri Nestlé, germana-svisa entreprenisto (n. 1814)
1891: P. T. Barnum, usona entreprenisto pri cirkartoj (n. 1810)
1897: Édouard Dantan, franca pentristo (n. 1848)
1898: Béla Szász, hungara poeto, tradukisto, akademiano (n. 1840)
1901: Johanna Spyri, svisa verkistino (n. 1827)
1912: Henri Poincaré, franca teoria sciencisto, konata de la konjekto de Poincaré (n. 1854)
1913: János Spáda, hungara arkitekto (n. 1877)
1919: Alois Keil, aŭstra politikisto kaj sindikatisto (n. 1875)
1927: Gösta Mittag-Leffler, sveda matematikisto, kunfondinto de la revuo "Acta Mathematica" (n. 1846)
1930: Arthur Conan Doyle, skota krimfikcia verkisto pri Sherlock Holmes, framasono kaj spiritisto (n. 1859)
1932: Errico Malatesta, itala anarkiisto kaj esperantisto (n. 1853)
1936: Georgij Ĉiĉerin, rusia, sovetia juristo kaj diplomato, popolkomisaro pri eksteraj aferoj subskribinta la Traktaton de Rapallo (n. 1872)
1948: János Schulek, hungara arkitekto, diplomito de Teknika kaj Ekonomia Universitato de Budapeŝto, ektrovinto de la reĝa palaco de Matiaso la 1-a en Visegrád, poste ties restaŭranto, konstruisto de i.a. Luterana preĝejo (n. 1872)
1950: Fats Navarro, usona ĵaztrumpetisto de muzikstilo bibopo (n. 1923)
1956: Renée Erdős, hungara verkistino kaj poetino (n. 1879)
1956: Gottfried Benn, germana verkisto, reprezentanto de la ekspresionismo, esperantigata de Guido Holz (n. 1886)
1962: Karl Mras, aŭstra klasika filologo (n. 1877)
1965: Moŝe Ŝaret, ĉefministro de Israelo, tradukisto el la turka kaj araba, membro de Juda Agentejo por Israelo, prezidanto de Monda Cionisma Organizaĵo (n. 1894)
1965: Johannes Ude aŭstra teologo, oratoro kaj ekonomikisto, vegetarano kaj pacifismulo (n. 1874)
1967: Vivien Leigh, brita aktorino (n. 1913)
1968: Hermann Grossmann, germana esperantisto kaj bahaano eldoninta internacian revuon "La Nova Tago", rangigita al Manoj de la Afero (n. 1899)
1971: Ub Iwerks, usona animaciisto, kartunisto, desegnisto de roluloj, inventisto, kaj teknikisto por specialaj efektoj, kreinta i.a. la rolulon Mickey Mouse (n. 1901)
1975: Béla Angi, hungara aktoro laboranta en Ŝtata Hungara Teatro de Kluĵo (n. 1912)
1975: István Simon, hungara poeto, tradukisto kaj politikisto, enestanta en Hungara Antologio (n. 1926)
1977: Miklós Kovács, rumania hungara futbalisto (n. 1911)
1979: István Gárdonyi, hungara ĵurnalisto kaj verkisto (n. 1907)
1985: György Harag, rumania hungara reĝisoro (n. 1925)
1989: László Feleki, hungara verkisto, ĵurnalisto (n. 1909)
1990: Cazuza, brazila komponisto kaj kantisto, unu el la plejuloj de brazila rokmuziko (n. 1958)
2006: John Money, juda psikologo, seksologo kaj verkisto esploranta seksan identecon (n. 1921)
2012: Leon Schlumpf, svisa politikisto, ŝtatprezidanto (n. 1925)
2013: Béla Buda, hungara kuracisto kaj psikiatro, katedrestro en Kalvinana Universitato Gáspár Károli, poste institut-gvidanto pri alkoholaj malsanoj, redaktisto de resume 14 psikologiaj revuoj (n. 1939)
2014: Alfredo Di Stéfano, argentina futbalisto kaj trejnisto (n. 1926)
2014: Eduard Ŝevardnadze‎‎, soveta politikisto, kungvidanto de Kartvela Soveta Socialisma Respubliko, lasta ministro pri eksteraj aferoj de Sovetunio, prezidento de Kartvelio (n. 1928)
2015: Ági Mednyánszky, hungara aktorino, voĉoaktoro, dancistino, primadono, operetkantistino (n. 1927)
2015: Anamaria Pop, rumana poetino, tradukistino en Hungarujo (n. 1952)
2016: Wolfram Siebeck, germana ĵurnalisto kaj gastronomia kritikisto (n. 1928)
2019: Artur Brauner, germana filmproduktoro, fuĝinto de Lodza geto, honora civitano de Lodzo, centjarulo (n. 1918)
2019: Zoltán Ambrus, hungara ŝlagromuzikisto (gitaristo, kantisto, tekstopoeto) (n. 1966)
2021: Jovenel Moïse, prezidento de Haitio (n. 1968)

Specialaj tagoj kaj festoj[redakti | redakti fonton]

Festoj kaj rememoroj en Katolika Eklezio:
- Benedikto la 11-a, papo
Japanio: en Kanto dum kelkaj tagoj ĉ. la 7-a de julio estas festata Tanabata, la japana festo de alproksimiĝo de la du steloj: Vego kaj Altairo (disigitaj de la Lakta Vojo), en aliaj regionoj laŭ la lunsuna kalendaro la 14-an de aŭgusto 2021
Nacia tago sur la Salomonoj, tago de la sendependeco (1978)
Festo de sankta Firmeno: ĉefa tago de festo Sanfermines en Pamplono
Monda tago de la svahila
Saba Saba Tago (7/7) en Tanzanio: politika partio "TANU" estis fondita la 7-an de julio 1954.