Aŭstraliaj Alpoj

El Vikipedio, la libera enciklopedio
Salti al navigilo Salti al serĉilo
Loko de la Aŭstraliaj Alpoj, ĉe la limo de la ŝtatoj de Nova Sudkimrio kaj Viktorio.

La Aŭstraliaj Alpoj estas la plej alta montarĉeno de kontinenta Aŭstralio. La montaro situas sudoriente de la lando kaj etendas laŭlonge de la ŝtatoj Novsudkimrio kaj Viktorio. La Alpoj enhavas la nurajn montojn de la kontinenta teritorio kiu superas la 2000 metrojn super marnivelo, kaj kun la insulo Tasmanio estas la nura loko de la lando kie troveblas natura neĝo. La plej alta montopinto el la montaro estas la Monto Kosciuszko, kun 2228 metroj de alto super marnivelo.

La montaro estas siavice parto de la Granda Disiganta Montaro, nome serio de montaroj kaj altebenaĵoj etendaj laŭlonge de pli ol 3000 kilometroj ekde la nordo de Kvinslando ĝis la kerno de Viktorio. Tiuj montaroj dividas la riverojn kaj rojojn kiuj elfluas en la orienta baseno de la Pacifika Oceano, el tiuj kiuj formas parton de internaj basenoj, kiaj tiuj de la rivero Murray.