Aŭstria Esperanto-Federacio

El Vikipedio, la libera enciklopedio
(Alidirektita el Aŭstria Esperanto Federacio)
Saltu al: navigado, serĉo

La Aŭstria Esperanto-Federacio (AEF; germane: Österreichischer Esperanto-Verband) estis fondita en 1936 ĝia sidejo estas en Vieno. Ĝi estas la oficiala Landa Asocio de la UEA.

Estraro[redakti | redakti fonton]

Ekde 2015[redakti | redakti fonton]

Kiel prezidanto oficas astronomo Hans Michael Maitzen; la ceteraj estraranoj estas: Dr. Heinz-Paul Kovacic, Leopold Patek, Karl Reinisch, Mag. Henriette Etzenberger (ALBE), Marie Pretot, Elisabeth Hlauschek, Reinhold Kammler kaj Uwe Stecher. La elektoj por la estraro okazas kutime ĉiun duan jaron. La nomoj kaj la funkcioj de la aktuala estraro legeblas en la asocia retejo.

Celo[redakti | redakti fonton]

Deklarita celo de la neŭtrala federacio estas la subteno de Esperanto en Aŭstrio.

Periodaĵo[redakti | redakti fonton]

La 1a numero de AŬSTRIA ESPERANTO-REVUO (AER) aperis en aŭgusto 1946 kaj la lasta - post 54 jaroj - en decembro 2000. Poste aperis 4 paĝoj sub la nomo AŬSTRIA ESPERANTO-REVUO, en la aŭstra periodaĵo Esperanto Aktuell de n-ro 1/2001 ĝis n-ro 3/2003.

La periodaĵo Esperanto aktuell de la Germana Esperanto-Asocio per kunlaboro kun la AEF enhavas ankaŭ informojn pri aŭstraj aferoj.

Historio[redakti | redakti fonton]

En 1934 ALLE trafis la likvidon fare de la aŭstria faŝismo. Post la unua ŝoko kelkaj komencis denove organizi sin, inter ili gvide Glüxmann, Berdan, Grimme, Zodel kaj Scheibenreiter, kiu fondis la Verdan Revuon. Je la 9a de februaro 1936 estis fondata AEF, kiu iĝis la gvida Esperanto-organizo en Aŭstrio. La preparitan unuan balfeston de AEF, la Verdan Nokton, en marto 1938 la Hitleraj faŝistoj transformis je ´malhela nokto´.

Ŝajnis denove, ke estas fino de la Esperanto-movado en Aǔstrio. Tamen, en subgrundo, fidelaj kaj konsciaj ges-anoj ne ĉesis kunveni kaj preparis la revivigon de AEF, kaj je la 5a de oktobro 1945 estis fonditaj la Aŭstria Esperanto-Instituto kaj la Esperanto-librovendejo TRAMONDO. En la sama jaro okazis en Schubert-Saal de Konzerthaus "Feierstunde" kun la temo "Vieno, la ponto inter oriento kaj okcidento". La unua Zamenhof-festo estis solenata je la 16a de decembro.

La unua organo de AEF post la milito, la "Informilo", aperis je la 31a de januaro 1946, kaj tiam komenciĝis sukcesa agado de AEF, seriego da gravaj atingoj kaj eventoj kiuj kulminis je la aranĝado de la 55a Universala Kongreso (UK) de Esperanto en 1970 en Vieno.

Fontoj kaj notoj[redakti | redakti fonton]

1. AŬSTRIA ESPERANTO-REVUO (AER) n-ro 4/1974

2. AER n-ro 1 aŭgusto 1946 - 1a jaro

3. AER n-roj 10-12 okt., nov., dec. 2000 54-a jaro

Eksteraj ligiloj[redakti | redakti fonton]