Ada Colau i Ballano

El Vikipedio, la libera enciklopedio
Salti al navigilo Salti al serĉilo
Ada Colau (2013)
Ada Colau (2013)
Ada Colau en la manifestacio de la Platformo de Damaĝitoj pro Hipoteko, sur la placo del Padró en la kvartalo El Raval de Barcelono (2013)

Ada Colau i Ballano (prononco: ['aðə ku'law]) (Barcelono, 3a de marto 1974) estas kataluna politikisto kaj socia aktivulo, rekonata ĉar ŝi estas la kunfondinto de Plataforma d'Afectats per la Hipoteca (Platformo de Damaĝitoj pro Hipoteko) en 2009 kaj ŝi estis ĝia proparolanto ĝis la 7a de majo 2014. Ŝi studis ĉe kvartala lernejo, en la liceo Febrer. Post tio ŝi komencis superajn studojn ĉe la Fakultato de Filozofio en la Universitato de Barcelono, kvankam ŝi ankoraŭ devas ekzameniĝi pri du lastaj lernofakoj antaŭ ricevi licencion. Nuntempe ŝi laboras en Observatori DESC (Observejo pri Kulturaj, Sociaj kaj Ekonomiaj Rajtoj) de Barcelono. La 24an de majo 2015 dum la municipaj balotoj en Barcelono ŝi venkis kaj nun estas Urbestro-elektito de Barcelono. Ŝia partio akiris plej multe da voĉoj sed ne sufiĉe por aŭtomate iĝi urbestrino. Ŝi do devas pakti kun aliaj (maldekstraj) partioj por tio: se tiaj paktoj eblos (kion oni ja atendas kaj esperas), ŝi iĝos la Urbestrino de Barcelono. Dum la elektokampanjo ŝi uzis Esperanton. Ŝiaj multlingvaj reklamafiŝoj i.a. Esperantaj montras sloganojn kiel “Ili volas nin solaj – ili vidos nin kunaj” kaj “La demokratia revolucio apartenas al ĉiuj”.

Eksteraj ligiloj[redakti | redakti fonton]