Adam Levine

El Vikipedio, la libera enciklopedio
Salti al navigilo Salti al serĉilo
Adam Levine
AdamLevine2011.jpg
Persona informo
Naskiĝo 18-an de marto 1979 (1979-03-18) (40-jara)
en Los-Anĝeleso
Lingvoj angla lingvo
Loĝloko Holivudaj Montetoj
Ŝtataneco Usono
Familio
Edz(in)o Behati Prinsloo
Infano Dusty Rose Levine
Profesio
Profesio aktorogitaristokantistokantaŭtoromuzikistokomponistopianisto • televida aktoro • filmaktoro
TTT
Retejo http://www.maroon5.com/home
v  d  r
Information icon.svg

Adam Noah LEVINE (n. la 18-an de marto 1979) estas usona kantaŭtoro, vaste konata kiel la ĉefkantisto de la pop- rokmuzika grupo Maroon 5.

Levine naskiĝis kaj kreskis en Los-Anĝeleso, Kalifornio. Li komencis sian muzikan karieron en 1994, kiam li kunfondis alternativan rokmuzikgrupon Kara's Flowers, de kiu li estis la ĉefkantisto kaj gitaristo. Post la komerca fiasko de ilia nura albumo, The Fourth World, la grupo iom malvigliĝis. Poste, li reformis la grupon kaj kvina membro estis aldonita por formi Maroon5 kaj tiam la grupo eldonis sian unuan albumon, Songs About Jane, kiu iĝis populara kaj dise vendata en Usono. Ekde tiam, ili publikigis kvar pliajn albumojn, It Won't Be Soon Before Long (2007), Hands All Over (2010), Overexposed (2012), kaj V (2014). Kiel parto de Maroon 5, li ricevis tri Premiojn Grammy, du Billboard Muzika Premio-n du Usona Muzika Premio-n, MTV Muzikvidea Premio-n kaj Monda Muzika Premio-n.

Ekde 2011, Levine laboris kiel trejnisto en la televida kantokonkurso The Voice de NBC. La venkintoj de la unua kaj kvina sezonoj, Javier Colon kaj Tessanne Chin, estis en lia teamo. En 2012, li debutis kiel ofta rolulo en la horora televidserio American Horror Story: Asylum. Li ankaŭ aperis en la filmo Begin Again.

Kiel entreprenisto, Levine lanĉis sian propran eponiman parfumlinion en 2013. La saman jaron, li kunlaboris kun Kmart kaj ShopYourWay.com por evoluigi sian porviran vest-kolekton. Li ankaŭ posedas muzikeldonejon, 222 Diskojn. En 2013, The Hollywood Reporter raportis ke "fontoj alkutimiĝintaj al liaj multaj komercfaroj" taksis ke Levine gajnas pli ol 35 milionojn da usonaj dolaroj tiujare.