Adidas

El Vikipedio, la libera enciklopedio
Saltu al: navigado, serĉo
Adidas

Adidas.svg
Jura formo germania akcia kompanio (Aktiengesellschaft)
Fondita 18-a de aŭgusto 1949
Sidejo Herzogenaurach, Bavario, Germanio
Estr(ar)o Herbert Hainer (estrara prezidanto)
Dungitoj 55 555 (fine de 2015)
Spezosumo 16,92 miliardoj da Eŭroj (fine de 2015)
Agokampo sportaj ŝuoj, vestoj kaj akcesoraĵoj
TTT www.adidas-group.com
v  d  r
Information icon.svg

Adidas AG (germana prononco: [ˈadiˌdas], stiligita kiel ɑdidɑs kun vortokomenca minusklo) estas germana transnacia firmao kiu desegnas kaj fabrikas sportajn ŝuojn, vestojn kaj akcesoraĵojn kun sidejo en Herzogenaurach, Bavario. Ĝi estas la plej granda porsporta fabrikanto en Eŭropo kaj la dua plej granda en la mondo.[1]

Ĝi estas la flagkompanio de la grupo Adidas, kiu krome konsistas el la porsporta kompanio Reebok, la golf-kompanio TaylorMade-Adidas (inkluzive de la marko Ashworth), 9 procentaĵoj el la futbala teamo FC Bayern München kaj el Runtastic, aŭstria entrepreno por teknologio de ekzercado. En 2015 la firmao havis enspezojn de 16,92 mil milionoj da eŭroj.[2]

Adidas logo.

Adidas estis registrita la 18-an de aŭgusto 1949 fare de Adolf Dassler, sekve al disigo de familia entrepreno Gebrüder Dassler Schuhfabrik de li kaj de lia pli aĝa frato Rudolf.[3] Rudolf estis kreinta jam la firmaon Puma, same pri sportaj ŝuoj kaj vestaĵoj, kiu rapide iĝis la negoca rivalo de Adidas kaj havis sidejon ankaŭ en Herzogenaurach. La desegnoj de la vestoj kaj ŝuoj de tiu kompanio tipe montras tri paralelajn striojn, kaj la sama motivo estis aligita al lal nuna oficiala logo de Adidas.[4][5] La firmaa nomo estas plej ofte minuskle skribita, kun minuskla "a".[6]

Kiel ĉe multaj aliaj firmaoj Adidas forte partoprenas en subvenciado kaj respektiva propagando kaj reklamado en sportaj eventoj.

Referencoj[redakti | redakti fonton]

  1. artikolo "Adidas, Deutsche Telekom, Infineon: German Equity Preview". Bloomberg la 16-an de januaro 2008, arkivigita el la originalo la 6-an de novembro 2012, alirita la 5-an de oktobro 2016 (angle)
  2. jara raporto de 2015, en la retejo adidas-group.com, alirita la 5-an de oktobro 2016 (germane)
  3. historio de la grupo Adidas, en la retejo adidas-group.com, alirita la 5-an de oktobro 2016 (angle)
  4. Smit, Barbara (2007). Pitch Invasion, Adidas, Puma and the making of modern sport. Penguin. p. 44. ISBN 0-14-102368-6.
  5. Chadwick, Simon; Arthur, Dave (2007). International cases in the business of sport. Butterworth-Heinemann. p. 438. ISBN 0-7506-8543-3.
  6. "The History of Adidas | On This Day In Fashion". onthisdayinfashion.com. [1] Alirita la 2015-10-16.