Al-Musta'sim

El Vikipedio, la libera enciklopedio
Salti al navigilo Salti al serĉilo
Hulagu (maldekstre) enprizonigas la kalifon Al-Musta'sim inter liaj trezoroj por malsategi lin ĝis la morto. Mezepoka bildo el "Le livre des merveilles", 15a jarcento.

Al-Musta'sim Billah (kompleta nomo: al-Musta'sim-Billah Abu-Ahmad Abdullah bin al-Mustansir-Billah; arabe المستعصم بالله أبو أحمد عبد الله بن المستنصر بالله; 1213 – Februaro 20a, 1258) estis la lasta abasida kalifo en Bagdado; li regadis el 1242 ĝis sia morto. Li estis envolvita en tapiŝo fare de la Mongoloj kaj premita ĝis morto fare de ĉevaloj.

La 10an de februaro 1258, Bagdado estis kaptita de Mongoloj estritaj de Hulegu, pranepo de Ĝingis-Ĥano, dum la sieĝo de Bagdado.[1] Multaj kvartaloj estis ruinigitaj per incendioj, la sieĝo mem aŭ rabado. La Mongoloj masakris plej el la urba loĝantaro, inklude la kalifon Al-Musta'sim, kaj detruis grandajn partojn de la urbo. Ankaŭ la kanaloj kaj digoj kiuj estis forminta la urban sistemon de irigacio estis same detruitaj. Dum tiu tempo, en Bagdado, kristanoj kaj ŝijaistoj estis tolerataj, dum sunaistoj estis traktataj kiel malamikoj.[2] La rabado de Bagdado metis fino al la Abasida Kaliflando, frapego el kiu la Islama civilizo neniam rekuperiĝis.

Notoj[redakti | redakti fonton]

  1. Central Asian world cities, George Modelski
  2. Encyclopaedia of Islam, Volume VII (Mif-Naz). BRILL. ISBN 9789004094192.

Fontoj[redakti | redakti fonton]

  • Al-Maqrizi, Al Selouk Leme'refatt Dewall al-Melouk, Dar al-kotob, 1997.