Alain (Émile-Auguste Chartier)

El Vikipedio, la libera enciklopedio
Saltu al: navigado, serĉo

Alain, esperante Alano (naskiĝis kiel Émile-Auguste Chartier la 3-an de marto 1868 en Mortagne-au-Perche, mortis la 2-an de junio 1951 en Le Vésinet) estis franca filozofo, ĵurnalisto, eseisto kaj instruisto pri filozofio. Li estas raciisma, individuisma kaj kritika.

La aŭtoro uzis malsamajn plumnomojn inter 1893 kaj 1914. Li subskribis per "Kritono" (Criton) sep "Dialogojn" adresitajn al tre universitateca Revuo pri metafiziko kaj moralo (en kiu li cetere subskribis plurajn artikolojn per sia vera nomo); li subskribis per "Kvaron-Okulo" aŭ ankaŭ per "Filiberto" siajn pamfletojn en La Ruena Demokratio, mallongdaŭra gazeto kiu celis subteni la kampanjon de la deputito Rikardo (Ricard) en Rueno; finfine per "Alano" por subskribi diversajn kronikojn en La Lorienta Informilo (ĝis 1903) kaj poste en La Ruena kaj Normandia Informilo de 1903 ĝis 1914.